TV
బాల్యమిత్రుని కుమార్తె వివాహ వేడుకలో సీఎం
రాష్ట్ర ముఖ్యమంత్రి కేసీఆర్ తన బాల్య స్నేహితుడైన మహ్మద్ జహంగీర్ కుమార్తె అయేషా వివాహ వేడుకకు గురువారం రాత్రి హాజరయ్యారు.
ములుగు: రాష్ట్ర ముఖ్యమంత్రి కేసీఆర్ తన బాల్య స్నేహితుడైన మహ్మద్ జహంగీర్ కుమార్తె అయేషా వివాహ వేడుకకు గురువారం రాత్రి హాజరయ్యారు. రంగారెడ్డి జిల్లా కొంపల్లిలోని సిద్ధి కన్వెన్షన్ హాల్లో అయేషా-జాఫరుద్దీన్ల కల్యాణ వేడుక జరిగింది. ఈ వేడుకకు మనవడు హిమాంషు, సతీమణి శోభతో కలిసి సీఎం కేసీఆర్, ఆయన కుమార్తె, నిజామాబాద్ ఎంపీ కవిత హాజరయ్యారు. సీఎం దంపతులు నూతన వధూవరులను ఆశీర్వదించారు. కార్యక్రమంలో డిప్యూటీ సీఎం మహమూద్ అలి, ఎమ్మెల్యేలు ఏనుగు రవీందర్రెడ్డి తదితరులు పాల్గొన్నారు.
