ఘనంగా ఖాదర్‌లింగ ఉరుసు

తరలివచ్చిన వివిధ దర్గాల ధర్మకర్తలు:

ఖాదర్‌లింగ స్వామి ఉరుసు ఉత్సవంలో వివిధ దర్గాల పీఠాధిపతులు పెద్ద సంఖ్యలో వచ్చారు. వీరు మంగళవారం తెల్లవారు జామున జరిగిన గంధం వేడుకల్లో పాల్గొని ప్రత్యేక ఫాతెహలు నిర్వహించారు. బీదర్‌కు చెందిన సయ్యద్‌షా అసదుల్లా ఉసేని సజ్జదా నసీమ్, ఖ్వాజా అబుల్‌ఫైజ్‌ ఉసేని, ఐనూద్దీన్‌ ఉసేని, సయ్యద్‌షా మద్గీ ఉసేని, గుల్బర్గాకు చెందిన పీఠాధిపతులు సయ్యద్‌ ముజఫర్‌ ఉసేని చిష్తీ, సయ్యద్‌ ఖుబుల్లా ఉసేని సజ్జదే, సయ్యద్‌ ఖుద్బీ ఉసేని చిష్తీ, కర్నూల్‌  ఖాలీక్‌లింగ దర్గా ధర్మకర్త, కాంగ్రెస్‌ పార్టీ డీసీసీ కార్యదర్శి ఖలీల్‌బాష తదితర ప్రముఖులు దర్గాను దర్శించుకున్నవారిలో ఉన్నారు. ఉత్సవాల సందర్భంగా ఎలాంటి అవాంఛనీయ సంఘటనలు జరుగకుండా ఎస్‌ఐ నల్లప్ప పోలీసు బందోబస్తు నిర్వహించారు.