చేతులను కట్టేసి.. రోడ్లపై నగ్నంగా తిప్పారు

Man Paraded Naked After Trying To Rape A 4 Year Girl In Maharashtra - Sakshi

ముంబై: మహారాష్ట్రలో నాలుగేళ్ల చిన్నారిపై లైంగిక దాడికి యత్నించిన 35 ఏళ్ల ఒక యువకుడి చేతులను తాళ్లతో కట్టేసి.. రోడ్లపై నగ్నంగా తిప్పిన ఘటన ఆదివారం నాగ్‌పూర్‌లోని పర్దిలో చోటుచేసుకొంది. పోలీసులు తెలిపిన వివరాల ప్రకారం, నిందితుడు వైద్య.. స్థానికంగా కో-ఆపరేటివ్‌ సొసైటీ బ్యాంక్‌లో ఏజెంట్‌గా పని చేస్తున్నాడు. విధి నిర్వహణ నిమిత్తం ప్రతిరోజు వైద్య.. క్యాష్‌ను కలెక్ట్‌ చేసుకోవడానికి బాలిక ఇంటికి వెళ్లి వస్తుండేవాడు. అలానే ఆదివారం సాయంత్రం బాలిక ఇంటికి వెళ్లాడు.

ఈ క్రమంలో ఇంట్లో ఒంటరిగా ఉన్న బాలికపై అత్యాచారానికి యత్నిస్తున్న వైద్యను గుర్తించిన బాలిక తల్లి.. కేకలు వేయడంతో స్థానికులు హుటాహుటిన ఘటనాస్థలికి చేరుకొన్నారు. అఘాయిత్యానికి పాల్పడుతున్న నిందితుడు వైద్యను పట్టుకొని చితకబాదారు. అంతేకాక అతని చేతులను తాళ్లతో కట్టేసి.. వీధుల్లో నగ్నంగా తిప్పారు. ఆ తర్వాత అతనిని పోలీసులకు అప్పగించారు. పోస్కోచట్టం కింద పోలీసులు కేసు నమోదు చేసి విచారణ చేపడుతున్నారు. 

Read latest Crime News and Telugu News | Follow us on FaceBook, Twitter, Telegram



 

Read also in:
Back to Top