ఎవరిదీ ‘పాపం'?

Girl Child Death In Anantapur - Sakshi

పొత్తిళ్ల పాప రాళ్ల కుప్పలో..

కళ్లు తెరవకనే కనుమూసిన పసిగుడ్డు

మడకశిర మండలం సిద్ధగిరిలో ఘటన

అనంతపురం ,మడకశిర రూరల్‌: మడకశిర మండలం సిద్దగిరి గ్రామ సమీపాన రాళ్లకుప్పపై ఏడుస్తున్న పసికందును అటువైపు వచ్చిన కొందరు యువకులు గమనించి, పోలీసులకు సమాచారమందించి ఆస్పత్రికి తీసుకెళ్లారు. అయితే అప్పటికే పాప మృతి చెందినట్లు వైద్యులు తెలిపారు. రాళ్లకుప్పపై రాళ్లు గుచ్చుకుని, చీమలు, పురుగులు కుట్టడంతో ఏడ్చిఏడ్చి గుక్కపెట్టి ప్రాణం వదిలి ఉంటుందని తెలిసింది. ఈ అమానవీయ ఘటన తెలుసుకున్న ప్రతి ఒక్కరూ కంటతడి పెట్టారు. ఈ ఘాతుకానికి పాల్పడిన వారి నిర్వాకంపై మండిపడ్డారు.

కళ్లు తెరవని కను‘పాప’
పేగుతెంచుకొని అప్పుడప్పుడే పుట్టింది..
అమ్మ పొత్తిళ్లలో.. వెచ్చని కౌగిలిలో కదలాల్సిన పసిపాప
ముర్రుపాలు తాగి మురిపెంగా పెరగాల్సిన బిడ్డ..
‘పూల’పాన్పుపై పెరగాల్సిన  ‘పాప’
చీర కొంగు ఊయలలో.. జోలపాట ‘లాలన’లో..జోగాల్సిన ‘ఆడ’ శిశువు..
ఏ కన్నతల్లి ‘బిడ్డో’.. అభం శుభం తెలియని ‘ఆడ’బిడ్డ..అప్పుడే ఆయుష్షు నిండింది.
ముళ్ల పొదల మాటున ..రాళ్లకుప్పల పాలైంది.
‘మట్టు’ఆరకనే మట్టిపాలు చేశారు!
అక్కున చేర్చుకునేవారు దరిదాపున లేరు!
‘చలి’ చీమలు చుట్టుముట్టిపసిగుడ్డును తొలుస్తుంటే..
గుక్కపెట్టి ఏడ్చినా..చుట్టుపక్కల ఎవరూ లేరు..
‘పాప’ం అన్న వాళ్లే లేరు!
ఇదేమి ‘మాయ’లోకం..
మానవత్వం మరిచిందా.. ‘మమ’కారం చచ్చిందా
ఎవరినీ నిందించలేని పసితనం
ఆడజన్మ నాదే ‘పాప’ం అంటూ కళ్లు మూసింది.

Read latest Crime News and Telugu News | Follow us on FaceBook, Twitter


Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top