TV
సాక్షి, మేడ్చల్ : నగరంలోని బోడుప్పల్ లో చైన్ స్నాచర్లు రెచ్చిపోయారు. పాఠశాలకు వెళ్లిన చిన్నారులకు మధ్యాహ్నం భోజనం ఇవ్వడానికి వెళ్తున్న మహిళ మెడలో నుంచి గుర్తుతెలియని దుండుగులు మంగళసూత్రాన్ని లాక్కెళ్లారు. ఈ సంఘటన బోడుప్పల్ శ్రీనివాసనగర్ కాలనీలో బుధవారం చోటుచేసుకుంది.
గణేష్ నగర్ కాలనీకి చెందిన వి. పద్మ(40) జేజీఆర్ పాఠశాలలో చదువుతున్న తన పిల్లలకు మధ్యాహ్నం భోజనం ఇవ్వడానికి నడుచుకుంటూ వెళ్తుండగా బైక్పై వచ్చిన ఇద్దరు దుండగులు ఆమె మెడలోని 4 తులాల బంగారు గొలుసును లాక్కెళ్లారు. దీంతో బాధితురాలు మేడిపల్లి పోలీసులకు ఫిర్యాదు చేసింది. రంగంలోకి దిగిన పోలీసులు స్నాచర్ల కోసం గాలింపు చర్యలు చేపడుతున్నారు. సమీప ప్రాంతాల్లోని సీసీ టీవీ ఫూటేజీల ఆధారంగా దర్యాప్తు వేగవంతం చేస్తున్నారు.
