గెలాక్సీ జే7 ప్రైమ్‌ 2 కూడా వచ్చేసింది

శాంసంగ్‌ గెలాక్సీ జే7 ప్రైమ్‌ 2

శాంసంగ్‌ కంపెనీ చడిచప్పుడు కాకుండా గెలాక్సీ జే7 ప్రైమ్‌ 2 స్మార్ట్‌ఫోన్‌ను భారత్‌లో లాంచ్‌ చేసింది. గతేడాది లాంచ్‌ చేసిన గెలాక్సీ జే7 ప్రైమ్‌కు సక్ససర్‌గా ఈ ఫోన్‌ను తీసుకొచ్చింది. దీని ధర 13,990గా కంపెనీ నిర్ణయించింది. ప్రస్తుతం కంపెనీ వెబ్‌సైట్‌లో లిస్టు అయిన ఈ స్మార్ట్‌ఫోన్‌ ‘సోల్డ్‌ అవుట్‌’  అయినట్టు తెలిసింది. కొత్త గెలాక్సీ జే7 ప్రైమ్‌ 2 స్మార్ట్‌ఫోన్‌ అప్‌డేటెడ్‌ ఆక్టా-కోర్‌ ప్రాసెసర్‌ను, 13 ఎంపీ ఫ్రంట్‌ అదేవిధంగా రియర్‌ షూటర్‌ను, లైవ్‌ స్టికర్స్‌, లైవ్‌ ఫిల్డర్స్‌ వంటి సోషల్‌ ఫీచర్లను కలిగి ఉంది. మాల్‌ అనే శాంసంగ్‌ ఆల్‌-ఇన్‌-వన్‌ షాపింగ్‌ సర్వీసును ఇది కలిగి ఉంది. శాంసంగ్‌ పే మినీని కూడా ఇది సపోర్టు చేస్తోంది. 

శాంసంగ్‌ గెలాక్సీ జే7 ప్రైమ్‌ 2 ఫీచర్లు...
5.5 అంగుళాల ఫుల్‌ హెచ్‌డీ టీఈటీ డిస్‌ప్లే
కార్నింగ్‌ గొర్రిల్లా గ్లాస్‌
మెటల్‌ యూనిబాడీ డిజైన్‌
1.6గిగాహెడ్జ్‌ ఆక్టా-కోర్‌ ఎక్సీనోస్‌ 7 సిరీస్‌ ప్రాసెసర్‌
3జీబీ ర్యామ్‌, 32జీబీ ఇంటర్నల్‌ స్టోరేజ్‌
128 జీబీ వరకు విస్తరణ మెమరీ
3300 ఎంఏహెచ్‌ బ్యాటరీ
ఫింగర్‌ప్రింట్‌ సెన్సార్‌
ఆండ్రాయిడ్‌ నోగట్‌, 4జీ ఎల్‌టీఈ కనెక్టివిటీ ఆప్షన్‌