వాలెట్ బ్యాలెన్స్పై 6% వార్షిక లాభం

వాలెట్ బ్యాలెన్స్పై 6% వార్షిక లాభం

మోబిక్విక్ ఆఫర్

 హైదరాబాద్: మోబిక్విక్ సంస్థ యూజర్ల వాలెట్ బ్యాలెన్స్‌పై 6 శాతం వార్షిక లాభాన్ని అందించనున్నది. యూజర్లు... తమ వాలెట్ బ్యాలన్స్‌పై 6 శాతం వార్షిక లాభాన్ని పొందే ఆఫర్ భారత్‌లో తామే తొలిసారిగా ఆఫర్ చేస్తున్నామని భారతదేశపు అతి పెద్ద మొబైల్ చెల్లింపుల నెట్‌వర్క్ మోబిక్విక్ ఒక ప్రకటనలో తెలిపింది. ఈ 6 శాతం వార్షిక లాభం పొందాలంటే యూజర్లు నెలకు కనీసం రూ.5,000 లేదా అంతకుమించిన బ్యాలెన్స్‌ను వాలెట్‌లో నిర్వహించాల్సి ఉంటుందని మోబిక్విక్ వ్యవస్థాపకుల్లో ఒకరైన ఉపాసన తకు పేర్కొన్నారు.

ఏడాదికి 250 శాతం చొప్పున వృద్ధి సాధిస్తున్నామని, ఈ ఏడాది చివరి నాటికి తమ యూజర్ల సంక్య ఏడు లక్షలకు చేరగలదని వివరించారు. సూక్ష్మ రుణాలందించడం, వాలెట్ బ్యాలెన్స్‌పై లాభాలు, నగదు రహిత లావాదేవీలు తదితర సేవల ద్వారా ప్రతి భారతీయుడి ఆర్థిక అవసరాలను తీర్చే డిజిటల్‌సంస్థగా రూపాంతరం చెందుతున్నామని పేర్కొన్నారు.