TV
ముంబై: నిధుల సంక్షోభం ఎదుర్కొంటున్న ప్రైవేట్‌ విమానయాన సంస్థ జెట్‌ ఎయిర్‌వేస్‌ తాజాగా విమాన టికెట్ల చార్జీలపై 30 శాతం మేర డిస్కౌంటు ప్రకటించింది. దేశీ, విదేశీ రూట్లలో 25 లక్షల సీట్లను ఈ ఆఫర్‌లో భాగంగా విక్రయిస్తోంది. మంగళవారం ప్రారంభమైన బుకింగ్స్‌ ఆరు రోజుల పాటు సాగుతాయని సంస్థ తెలిపింది.
అన్ని మాధ్యమాల ద్వారా సెప్టెంబర్‌ 7 దాకా టికెట్లు బుక్‌ చేసుకోవచ్చని, ఆ తర్వాత కంపెనీ వెబ్‌సైట్, మొబైల్స్‌ ద్వారా సెప్టెంబర్‌ 9 దాకా కొనుగోలు చేయొచ్చని వివరించింది. సెప్టెంబర్‌ 10 నుంచి చేసే ప్రయాణాలకు ఈ ఆఫర్‌ వర్తిస్తుంది. దేశీ రూట్లతో పాటు యూరప్, గల్ఫ్, దక్షిణాసియా దేశాల్లోని ప్రాంతాలకు టికెట్లు బుక్‌ చేసుకోవచ్చని జెట్‌ ఎయిర్‌వేస్‌ సీనియర్‌ వైస్‌ ప్రెసిడెంట్‌ రాజ్‌ శివకుమార్‌ తెలిపారు. ఇండిగో, ఎయిర్‌ఏషియా మొదలైనవి ఇప్పటికే డిస్కౌంట్లు ప్రకటించడం తెలిసిందే.
