సరికొత్తగా హమారా బజాజ్‌ స్కూటర్‌ చేతక్‌

Bajaj Auto enters EV market with the launch of Chetak electric scooter - Sakshi

బజాజ్‌ చేతక్ ఎలక్ట్రిక్ పేరుతో సరికొత్త స్కూటర్‌ మార్కెట్‌లోకి

హమారా కల్‌ చేతక్‌ ఎలక్ట్రిక్‌ స్కూటర్‌

అర్బనైట్ బ్రాండ్ కింద జనవరి నుంచి అమ్మకాలు

ధరను ఇంకా ప్రకటించాల్సి వుంది

సాక్షి, ముంబై: ప్రముఖ వాహన తయారీ కంపెనీ బజాజ్ ఆటో లిమిటెడ్‌ ఎలక్ట్రిక్ వాహనాల (ఈవీ) విభాగంలోకి ఎంట్రీ ఇచ్చింది.  తన పాపులర్‌మోడల్‌ చేతక్‌ స్కూటర్‌ను సరికొత్తగా ఎలక్ట్రిక్ స్కూటర్ గా మార్కెట్‌లో  బుధవారం లాంచ్ చేసింది.  బజాజ్ ట్యాగ్‌లైన్ 'హుమారా బజాజ్' గా 'హుమారా కల్' అనే కొత్త నినాదంతో  చేతక్ ఎలక్ట్రిక్‌ స్కూటర్‌ను అర్బనైట్ ఈవీ  బ్రాండ్ కింద  తీసుకొచ్చింది. కంపెనీ చాకన్ ప్లాంట్‌లో ఈ స్కూటర్‌ను రూపొందిస్తున్నట్లు కంపెనీ ఒక ప్రకటనలో తెలిపింది. కొత్త చేతక్‌ రెండు వేరియంట్లలో లభిస్తుంది. అయితే దీని ధరను మాత్రం ఇంకా ప్రకటించలేదు. 

దాదాపు ఒక దశాబ్దం తర్వాత రెండవ ఇన్నింగ్స్‌ను  ప్రారంభించింది. మోటారు సైకిళ్లపై దృష్టి పెట్టడానికి బజాజ్ 2009లో సాంప్రదాయ స్కూటర్ల తయారీని నిలిపివేసింది బజాజ్‌. ఎలక్ట్రిక్ స్పేస్‌లో స్కూటర్లు, త్రీ వీలర్ల​కు అపారమైన అవకాశం ఉందని బజాజ్ ఆటో మేనేజింగ్ డైరెక్టర్ రాజీవ్ బజాజ్ తెలిపారు. ఈరంగంలోకి  మొదటగా రావడం, మార్కెట్లో మొదటి స్థానంలో ఉండటం చాలా ముఖ్యమని ఆయన వ్యాఖ్యానించారు. 

Read latest Business News and Telugu News | Follow us on FaceBook, Twitter


Advertisement
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top