TV
సాక్షి, హైదరాబాద్‌ : ప్రపంచవ్యాప్తంగా ఉన్న సినీ అభిమానులు అవేంజర్స్‌ అద్భుత విన్యాసాలను ఆస్వాదిస్తున్నారు. ఈ హాలీవుడ్‌ చిత్రానికి ఇండియాలోనూ ఆదరణ లభిస్తోంది. తాజాగా వైఎస్సార్‌ కాంగ్రెస్‌ పార్టీ అధ్యక్షుడు వైఎస్‌ జగన్ మోహన్‌ రెడ్డి అవేంజర్స్‌ చిత్రాన్ని వీక్షించారు. నగరంలోని ఏఎంబీ మాల్‌లో వైఎస్‌ జగన్ ఈ చిత్రాన్ని వీక్షించారు. ఎన్నికల్లో తీరిక లేకుండా, విరామమెరుగని శ్రామికుడిలా కష్టపడిన వైఎస్‌ జగన్.. పోలింగ్‌ అనంతరం విశ్రాంతి తీసుకుంటున్నారు. దీనిలో భాగంగానే వైఎస్‌ జగన్ అవేంజర్స్‌ ఎండ్‌ గేమ్‌ చిత్రాన్ని వీక్షించారు.
