'పార్టీ మారుతారో..గంగలో దూకుతారో..'

చిత్తూరు: చిత్తూరు జిల్లా పలమనేరు ఎమ్మెల్యే అమర్‌నాథ్ రెడ్డి వైఎస్సార్ కాంగ్రెస్ నుంచి టీడీపీలోకి వెళ్లడాన్ని నిరసిస్తూ ఓ బ్యానర్ వెలసింది. వీ.కోట మండలంలో అంబేద్కర్ విగ్రహం వద్ద వైఎస్సార్ కాంగ్రెస్ నాయకులు ఈ బ్యానర్ ను ప్రదర్శించారు. ' ఆ రోజు పార్టీలోకి ఎవరూ మిమ్మల్ని రమ్మనలేదు.. ఈ రోజు మీరు వెళతానంటే ఎవరూ ఆపేది లేదు. అమర్‌నాథ్‌రెడ్డిని మేం ఓట్లు వేసి గెలిపించింది వైఎస్సార్‌సీపీ ఎమ్మెల్యే అభ్యర్థిగా అని గుర్తుంచుకోండి. అమర్‌నాథ్‌రెడ్డి గారు మీరు పార్టీ మారుతారో గంగలో దూకుతారో మీ ఇష్టం. కానీ- మా ఓటు మాకు తిరిగిచ్చేసి పార్టీ మారండి. ఓటర్లుగా మాకు విలువ ఉంది. ఓటుకు ఎంతో విలువ ఉంది. తరచూ పార్టీలు మారే ఎంఎల్‌ఏగా మీకు విలువుందా? సిగ్గు..సిగ్గు.. అని ఉన్న బ్యానర్‌ను వారు ప్రదర్శించారు.