‘పది’ విద్యార్థులకు ఆదాయం కొర్రీ

 సాక్షి, నల్లగొండ :ప్రభుత్వ వింత పోకడలతో పదో తరగతి విద్యార్థులు తీవ్ర ఆందోళన చెందుతున్నారు. అమలు చేయలేని నిబంధనలతో సర్కారు అయోమయానికి గురిచేస్తోంది. పదో తరగతి పరీక్షల ఫీజు మినహాయింపు పొందడానికి ప్రభుత్వం విధించిన షరతులను చూసి ఉపాధ్యాయులు నవ్వుకుంటున్నారు. వార్షికాదాయం రూ.24 వేలలోపు ఉంటేనే పరీక్ష ఫీజు మినహాయిస్తామని సెకండరీ బోర్డు ప్రకటించిన విషయం తెలిసిందే. ఈ మేరకు జీఓ 109 విడుదల చేసింది. అయితే, వార్షికాదాయం కనీసం రూ.40 వేలకు తక్కువకు తాము ధ్రువీకరణ పత్రం ఇవ్వలేమని రెవెన్యూ అధికారులు స్పష్టం చేస్తున్నారు. దీంతో విద్యార్థులు తప్పనిసరిగా పరీక్ష ఫీజు చెల్లించాల్సిన పరిస్థితి నెలకొంది.