రీజయన్ పరిధిలో 41 రూట్లు గుర్తింపు
ప్రైవేట్ వాహనాలతో రోజుకు రూ.30లక్షల నష్టం
పట్నంబజారు(గుంటూరు) : గుంటూరు రీజియన్ పరిధిలో విచ్చలవిడిగా రెచ్చిపోతున్న ప్రైవేట్ వాహనాల దందాను అరికట్టేందుకు ఏపీఎస్ ఆర్టీసీ అధికారులు దృష్టి సారిస్తున్నారు. ఎటువంటి అనుమతులు లేకుండా జిల్లా వ్యాప్తంగా తిరుగుతున్న ప్రైవేట్ వాహనాలపై కొరడా ఝుళిపించేందుకు సన్నద్ధమవుతున్నారు. పూర్తిస్థాయిలో రీజియన్ వ్యాప్తంగా సర్వే నిర్వహించిన అధికారులు భారీ నష్టం వస్తున్న 41 రూట్లను గుర్తించారు. ఇటీవల కాలంలో జరిగిన మరో సర్వేలో సైతం 136 రూట్లలో మాత్రమే లాభం వస్తుండగా, 271 రూట్లలో నష్టం వాటిల్లోతోందని, దీనిలో ప్రధాన భూమిక ప్రైవేట్ వాహనాలే పోషిస్తున్నాయని ఆర్టీసీ ఉన్నతాధికారులు చెబుతున్నారు. అనుకున్న మేరకు పోలీసులు, ఆర్టీవో, విజిలెన్స్ శాఖల అధికారుల నుంచి సహాయం అందకపోవటంతో వెనుకడుగు వేస్తున్నామని ఆర్టీసీ అధికారులు చెబుతున్నారు.
వివరాల్లోకి వెళితే... గత నెల 15వ తేదీ నుంచి ఈ నెల 5 వ తేదీ వరకు ఆర్టీసీ రీజియన్ మేనేజర్ జ్ఞానంగారి శ్రీహరి పర్యవేక్షణలో ఆర్టీసీ ఉన్నతాధికారులు, ట్రాఫిక్ కంట్రోలర్లు కలిసి రీజియన్ పరిధిలో విస్తృతంగా సర్వే నిర్వహించారు. జిల్లాలో గుంటూరు నుంచి క్రోసూరు, పర్చూరు, తుళ్లూరు, పిడుగురాళ్ల, పొన్నూరు, విజయవాడ, తెనాలి, ముట్లూరు, రేపల్లె ప్రాంతాలకు వెళ్లే రూట్లలో ప్రైవేట్ వాహనాలు ఆటోలు, జీపులు, కారులు అధికంగా తిరగటాన్ని గమనించారు. రేపల్లె నుంచి చీరాల, తెనాలి, చెరుకుపల్లి, తెనాలి నుంచి కొల్లిపర, భట్టిప్రోలు, బాపట్ల, పెదనందిపాడులతో పాటు పల్నాడులో నరసరావుపేట, చిలకలూరిపేట, మాచర్ల, పిడుగురాళ్ళ, దాచేపల్లి అమరావతి, ఒంగోలు వైపు రీజియన్ నుంచి తిరిగే రూట్లలో ప్రైవేట్ వాహనాలు అధికంగా తిరుగుతున్నాయని గుర్తించారు.
కేవలం ఆటోలతోనే నెలకు రూ.4.50 కోట్లు నష్టం
ప్రైవేట్ వాహనాల కారణంగా నిత్యం రూ.30 లక్షలు ఆర్టీసీ ఆదాయానికి గండిపడుతోందని తెలుసుకున్నారు. జిల్లాలో 41 ప్రధాన రూట్లలో 322 టాటా మ్యాజిక్ ఆటోలు, 3 సీటర్ ఆటోలు 2,430, 7 సీటర్ ఆటోలు 986 కలిసి మొత్తం 3738 ఆటోలు అక్రమ రవాణా చేస్తున్నాయని నిర్ధారణకు వచ్చారు. కేవలం ఆటోల ద్వారా నెలకు రూ.4.50 కోట్లు నష్టం వస్తోందని గణాంకాలు చెబుతున్నాయి. వీటితో పాటు జిల్లాలో 95 ప్రైవేట్ బస్సులు ఎటువంటి అనుమతులు లేకుండా నిబంధనలకు విరుద్ధంగా నడుస్తున్నాయని అధికారుల సర్వేలో వెల్లడైంది. కేవలం బస్సులు, ఆటోలు కారణంగా నెలకు రూ.9 కోట్లు, ఏడాదికి రూ.110 కోట్లు వరకు రీజియన్కు నష్టం వస్తుందని అంచనాలు వేసిన అధికారులు ప్రైవేట్ దోపిడీని నిలువరించేందుకు ఎటువంటి చర్యలు చేపట్టలేదనే చెప్పాలి. దీంతో పాటు 183 ఈ-3 యాక్ట్ను అమలు పరచడంలో జరుగుతున్న తాత్సారంపై పలువురు పెదవి విరుస్తున్నారు. యాక్టు ప్రకారం టౌన్లలోని డిపో పరిధిలో మూడు కిలోమీటర్లు, గ్రామీణ ప్రాంతాల పరిధిలో కిలో మీటరు, కార్పొరేషన్లో డిపోల పరిధిలో 2 కిలోమీటర్ల లోపు బస్సులు నిలిపితే చర్యలు తీసుకోవటంతో పాటుగా కేసులు నమోదు చేయటంలో అధికారులు పూర్తి వైఫల్యం చెందుతున్నారు.
టాస్క్ఫోర్స్ ఎక్కడ..?
ప్రైవేట్ వాహనాల దందాను అరికట్టేందుకు ప్రత్యేక టాస్క్ఫోర్స్ను ఏర్పాటు చేస్తున్నట్టు ఆర్టీసీ ఉన్నతాధికారులు గతంలో వెల్లడించారు. అయితే ఇప్పటికీ అది కార్యరూపం దాల్చలేదు. క్షేత్రస్థాయిలో నష్టాల బాట వస్తున్న రూట్లలో వివిధ శాఖల అధికారులతో కలిసి టాస్క్ఫోర్స్ బృందం పర్యటించి, ప్రైవేట్ వాహనాలు నిబంధనలకు అనుగుణంగా తిరుగుతున్నాయో లేదో అనే వాటిపై పరిశీలించి వాటికి అనుగుణంగా కేసులు నమోదు చేయాల్సి ఉంటుంది. దీనిపై మీనమేషాలు లెక్కిస్తున్నారనే విమర్శలు లేకపోలేదు.
ప్రైవేట్ ఆగడాలపై ఆర్టీసీ దృష్టి
Published Sat, Nov 7 2015 1:38 AM
Advertisement
మారిన క్రెడిట్ కార్డ్ నిబంధనలు.. మే 1 నుంచి అమల్లోకి..
గోబెల్స్ స్ఫూర్తితో.. ప్రధాని మోదీపై జైరాం ఆగ్రహం
ఇక ‘వందే మెట్రో’.. రైల్వే కీలక అప్డేట్
దిగ్గజ బ్యాంకర్ అభయ్ ఐమా కన్నుమూత
హైదరాబాద్లో భారీగా పెరిగిన ఆఫీస్ లీజింగ్
అతి త్వరలోనే గ్రేట్ సమ్మర్ సేల్.. స్మార్ట్ఫోన్లపై భారీ డిస్కౌంట్లు!
Shankar-Ram Charan Movie: సరికొత్త పాత్రలో చెర్రీ
నిమిషానికి 500 గంటల కంటెంట్ అప్లోడ్.. యూట్యూబ్ ప్రస్థానం ఇదే..
కొత్త రకం ఏటీఎంలు.. భారత్తో తొలిసారి
ఉత్తరాఖండ్ టూరిజం ఆధర్వంలో ‘నక్షత్ర సభ’: థ్రిల్లింగ్ అనుభవం కావాలంటే!
Lok Sabha Election 2024: యాదవ భూమిలో ఎస్పీకి అగ్నిపరీక్ష
పీఠమెక్కేదెవరో..?
మెరుగైన వైద్యసేవలు అందించాలి
ఉచిత శిక్షణను సద్వినియోగం చేసుకోవాలి
బాబు మట్టికొట్టుకు పోతాడు
● పెన్షన్ డబ్బుల కోసం పండుటాకుల కష్టాలు ● బ్యాంకు చుట్టూ తప్పని ప్రదక్షిణలు ● ఆటోల్లో తిరగలేక నీరసిస్తున్న వృద్ధులు ● మండే ఎండల్లో అభాగ్యుల ముప్పుతిప్పలు ● ఎంత పనిచేశావు చంద్రబాబూ అంటూ కన్నీరుపెడుతున్న అవ్వాతాతలు
● ఆగమోక్తం..భాష్యకారుల ఉత్సవం
పేదల ప్రభుత్వాన్ని ఆశీర్వదించండి
మాపై ఎందుకంత కక్ష
నేడు పలమనేరుకుసీఎం వైఎస్ జగన్
తప్పక చదవండి
- అమిత్ షా డీప్ఫేక్ వీడియో.. తెలంగాణ నుంచే వైరల్
- Nyrika Holkar: గోద్రెజ్ సైనిక... నైరిక
- వైఎస్సార్సీపీ దూకుడు
- గ్యారంటీ, ష్యూరిటీల పేరుతో వ్యక్తిగత లబ్ధి ప్రచారానికి బ్రేక్
- కరెంటు కోతల్లేవ్ నిరంతరాయంగా విద్యుత్ సరఫరా చేస్తున్నాం
- నిందితుడిని హంతకుడని ఎలా ముద్ర వేస్తారు?
- Rachana Banerjee: దీదీ కాదు... దీదీ నంబర్వన్
- పట్టభద్రుల ఎమ్మెల్సీ బీఆర్ఎస్ అభ్యర్థిగా ఏనుగుల రాకేశ్రెడ్డి
- రగులుతున్న క్యాంపస్లు!
- కేకేఆర్ చేతిలో ముంబై ఓటమి.. ప్లే ఆఫ్స్ నుంచి ఔట్?
Advertisement