తల పట్టుకుంటున్న బాబు

చిత్తూరు: తెలుగుదేశం పార్టీలో నామినేటెడ్ పదవుల జాతర ప్రారంభమైంది. ఈ పదవుల విషయంలో అప్పుడే తమ్ముళ్లలో విభేదాలు పొడసూపాయి. చివరికి ఈ వివాదం పార్టీ అధ్యక్షుడు, ముఖ్యమంత్రి చంద్రబాబు వద్దకు చేరింది. దీనికి ఆయన సమాధానమిస్తూ..పార్టీ కోసం పనిచేసిన వారెవరో, ఎవరికి ఏమివ్వాలో అంతా తనకు తెలుసన్నారని సమాచారం. ఈ విషయంలో తనను ఇబ్బంది పెట్టిన వారు ప్రభుత్వ అభివృద్ధి పథకాలను ప్రజల్లోకి తీసుకు వెళ్లాలని కార్యకర్తలకు పిలుపునిచ్చినట్లు సమాచారం. అసలే ప్రభుత్వం ఎన్నికల హామీలు నెరవేర్చలేక సతమతమవుతుంటే ఇప్పుడీ పదవుల పందేరం చంద్రబాబుకు తలనొప్పి తెచ్చిపెట్టినట్లు పార్టీ నాయకులు, కార్యకర్తలు వాపోతున్నారు.