భక్తిశ్రద్ధలతో పవిత్రోత్సవం

కడప సిటీ : దేవునికడపలోని శ్రీ లక్ష్మి వెంకటేశ్వరస్వామి ఆలయ పవిత్రోత్సవాల్లో భాగంగా గురువారం వివిధ పూజాధి కార్యక్రమాలు నిర్వహించారు. అందులో భాగంగా పవిత్ర సమర్పణ, హోమాలు నిర్వహించారు. యాగశాలలో శాస్త్రోక్తంగా హోమాలు, జపాలు నిర్వహించారు. ఆలయ ప్రాంగణంలో ఉత్సవ మూర్తులను ఊరేగించారు. ఏడాది పొడవునా ఆలయంలో జరిగే నిత్య పూజలు, ఉత్సవాల్లో భక్తులు, అర్చకుల ద్వారా తెలిసి తెలియక జరిగే లోపాలు, అపచారాలు ఉంటాయి. అశౌచ దోషాల నివారణకు ఈ పవిత్రోత్సవాలను నిర్వహిస్తారు. శుక్రవారం పూర్ణాహుతి, చక్రస్నానం తదితర కార్యక్రమాలు నిర్వహించనున్నారు. దీంతో పవిత్రోత్సవాలు ముగియనున్నాయి.