TV
రేగిడి: ప్రతి ఒక్కరూ భక్తిభావాన్ని అనుసరిస్తే మానసిక ప్రశాంతతకు ఎంతో తోడ్పాటునందిస్తుందని గుంటూరు జిల్లా నంబూరుకు చెందిన శ్రీనివాసరామానుజన్ దాస్ అన్నారు. గణపతి నవరాత్రులను పురస్కరించుకుని మండల పరిధిలోని రేగిడి గ్రామంలో సోమవారం ఆధ్యాత్మిక ప్రవచనం నిర్వహించారు. ఈ సందర్భంగా ఆయన మాట్లాడుతూ మనసు ప్రశాంతంగా ఉండాలంటే అది ఒక్క ఆధ్యాత్మిక చింతనతోనే సాధ్యమన్నారు. మానవసేవే మాధవసేవగా, సమాజసేవయే పరమాత్ముని సేవగా భావించి ప్రతి ఒక్కరు దైనందిన జీవితాన్ని గడపాలన్నారు. కార్యక్రమంలో కిమిడి సూరపునాయుడు, కిమిడి రవిబాబు, భక్తులు పాల్గొన్నారు.
