పెద్దేముల్‌లో కాంగ్రెస్‌కు షాక్‌

తాండూరు రూరల్‌: పెద్దేముల్‌ మండల కేంద్రంలో అధికార కాంగ్రెస్‌ పార్టీకి షాక్‌ తగిలింది. కాంగ్రెస్‌ సీనియర్‌ నాయకుడు, ఎమ్మెల్సీ పట్నం మహేందర్‌రెడ్డి ముఖ్య అనుచరుడు డీవై నర్సింలు శనివారం తన మద్దతుదారులతో కలిసి బీఆర్‌ఎస్‌లో చేరారు. మాజీ ఎమ్మెల్యే పైలెట్‌ రోహిత్‌రెడ్డి సమక్షంలో గులాబీ కండువా వేసుకున్నారు. అనంతరం ఆయన మాట్లాడుతూ.. ప్రస్తుతం కాంగ్రెస్‌పై ప్రజల్లో తీవ్ర వ్యతిరేకత ఉందని, పెద్దేముల్‌లో బీఆర్‌ఎస్‌ జెండాను ఎగురవేస్తామని ధీమా వ్యక్తంచేశారు. ఈ కార్యక్రమంలో బీఆర్‌ఎస్‌ మండల అధ్యక్షుడు కొహిర్‌ శ్రీనివాస్‌, కార్యకర్తలు పాల్గొన్నారు.

గులాబీ గూటికి డీవై నర్సింలు