ఆవిర్భావం..

Mar 13 2026 7:33 AM | Updated on Mar 13 2026 7:33 AM

● పేదోడి ప్రభుత్వం మళ్లీ రావాలి ● ప్రజలతోనే పదిహేనేళ్లు..జగనన్న ● తిరుపతి పద్మావతిపురంలోని వైఎస్సార్‌ సీపీ జిల్లా కార్యాలయంలో పార్టీ చిత్తూరు, తిరుపతి జిల్లాల అధ్యక్షుడు భూమన కరుణాకరరెడ్డి నేతృత్వంలో ముందుగా దివంగతనేత వైఎస్సార్‌ విగ్రహానికి పుష్పాంజలి ఘటించారు. అనంతరం పార్టీ జెండాను ఆవిష్కరించారు. ఆ తర్వాత కేక్‌ కట్‌ చేశారు. చంద్రబాబు చేతకాని పాలనపై ఆయన మండిపడ్డారు. పార్టీ నియోజకవర్గ సమన్వయకర్త భూమన అభినయ్‌రెడ్డి, తిరుపతి కార్పొరేషన్‌ మేయర్‌ డాక్టర్‌ శిరీష, పార్టీ నగర అధ్యక్షుడు మల్లం రవిచంద్రారెడ్డి, పలువురు కార్పొరేటర్లు, పార్టీ నేతలు, కార్యకర్తలు పాల్గొన్నారు. అలాగే తిరుపతిలోని మారుతి నగర్‌లో మాజీ మంత్రి, పార్టీ రాష్ట్ర కోఆర్డినేటర్‌, సీనియర్‌ నాయకుడు పెద్దిరెడ్డి రామచంద్రారెడ్డి నేతృత్వంలో పార్టీ జెండాను ఆవిష్కరించారు. అనంతరం కేక్‌ కటింగ్‌ నిర్వహించారు. ఈ సందర్భంగా ఆయన చంద్రబాబు పాలనలో సంక్షేమ ఫలాలు దూరం కావడంతోపాటు ఎన్నికల్లో ఇచ్చిన సూపర్‌సిక్స్‌ హామీలను అమలు చేయకపోవడంపై తీవ్రమైన అసంతృప్తి వ్యక్తం చేశారు. ● చంద్రగిరి నియోజకవర్గంలో పార్టీ సమన్వయకర్త చెవిరెడ్డి మోహిత్‌రెడ్డి నేతృత్వంలో పార్టీ ఆవిర్భవ వేడుకలు ఘనంగా జరుపుకున్నారు. చంద్రగిరి, పాకాల, తిరుపతి రూరల్‌, ఆర్సీపురం మండలాల్లో నిర్వహించిన పార్టీ ఆవిర్భవ దినోత్సవ కార్యక్రమాల్లో ఆయన పాల్గొన్నారు. ముందుగా వైఎస్సార్‌ విగ్రహాలకు పూలమాలలు వేశారు. ప్రధానంగా ఆర్సీపురం మండలంలోని పీవీ పురంలో పేదలకు అల్పాహారం పంపిణీ చేశారు. అలాగే తిరుపతి రూరల్‌లోని దుర్గసముద్రం కేక్‌ కట్‌ చేశారు. చంద్రగిరి, చిన్నగొట్టిగల్లు, ఎర్రావారిపాళెంలో కార్యకర్తలతో కలసి కేక్‌ కట్‌ చేశారు. ● అలాగే రైల్వే కోడూరు నియోజకవర్గంలోని అన్ని మండల కేంద్రాల్లో పెద్ద ఎత్తున పార్టీ నేతలు, కార్యకర్తలు హాజరై పార్టీ జెండాను ఆవిష్కరించారు. అనంతరం వైఎస్సార్‌ విగ్రహానికి పూలమాలలు వేశారు. తర్వాత కేక్‌ కట్‌ చేశారు. జై జగన్‌..జైజై జగన్‌ అంటూ నినాదాలు చేశారు. ● సూళ్లూరుపేట మాజీ ఎమ్మెల్యే, పార్టీ సమన్వయకర్త కిలివేటి సంజీవయ్య ఆధ్వర్యంలో నాయుడుపేట బస్టాండ్‌ సమీపంలో పార్టీ జెండా ఆవిష్కరణతోపాటు వైఎస్సార్‌ విగ్రహానికి పూలమాలలు వేసి, కేక్‌ కట్‌ చేశారు. తడ మండలంలో ఆర్ముగం, సూళ్లూరుపేట మండలంలో రవీంద్రకుమార్‌రెడ్డి, ఓజిలి మండలంలో హరినాథ్‌రెడ్డి, ఆధ్వర్యంలో పలు కార్యక్రమాలు చేపట్టారు. ● సత్యవేడు నియోజకవర్గంలో పార్టీ సమన్వయకర్త నూకతోట రాజేష్‌ ఆధ్వర్యంలో పార్టీ ఆవిర్భవ దినోత్సవ కార్యక్రమాలు అన్ని మండల కేంద్రాల్లో ఘనంగా జరుపుకున్నారు. బుచ్చినాయుడుకండ్రిగ మండల కేంద్రంలో నూకతోట రాజేష్‌,పార్టీ రాష్ట్ర కార్యదర్శి బీరేంద్రవర్మ పాల్గొన్నారు. ● వెంకటగిరి నియోజకవర్గంలో పార్టీ ఆవిర్భవ వేడుకలు సమన్వయకర్త నేదురమల్లి రామ్‌కుమార్‌రెడ్డి ఆధ్వర్యంలో ఘనంగా జరుపుకున్నారు. వెంకటగిరి పట్టణంలో నియోజకవర్గ పరిశీలకులు కల్పలతతోపాటు అన్ని మండాలకు చెందిన కన్వీనర్లు, మున్సిపల్‌ కౌన్సిలర్లు పాల్గొన్నారు.

శ్రీకాళహస్తి నియోజకవర్గంలో మాజీ ఎమ్మెల్యే, పార్టీ సమన్వయకర్త బియ్యపు మధుసూదన్‌రెడ్డి ఆధ్వర్యంలో పార్టీ ఆవిర్భావ ది నాన్ని వేడుకగా జరుపుకున్నారు. ముందుగా శ్రీకాళహస్తి వైఎస్సార్‌ సర్కిల్‌లోని వైఎస్సార్‌ విగ్రహానికి పాలాభిషేకం చేశారు. అలాగే మాజీ సీఎం వైఎస్‌ జగనన్న కటౌట్‌కి పాలాభిషేకం చేశారు. అనంతరం పార్టీ జెండాను ఆవిష్కరించి, కేక్‌ కట్‌ చేసి పార్టీ కార్యకర్తలతో కలసి వేడుకగా జరుపుకున్నారు. పేదలకు అన్నదానం చేశారు. అంజూరు శ్రీనివాసులు, ఉమ్మడి చిత్తూరు జిల్లా ప్రధాన కార్య దర్శి ఉన్నం వాసుదేవనాయుడు పాల్గొన్నారు. ఏర్పేడు సర్పంచ్‌ల సంఘం అధ్యక్షుడు నల్లపాళెం శివయ్య ఆధ్వర్యంలో కేక్‌ కటింగ్‌తోపాటు మహిళలకు చీరలు పంపిణీ చేశా రు. రేణిగుంట పట్టణ అధ్యక్షుడు ప్రభాకర్‌, సర్పంచ్‌ నగేశం ఆధ్వర్యంలో కేక్‌ కటింగ్‌ నిర్వహించారు.

ఊరూరా పార్టీ ఆవిర్భావ వేడుకలు

ఇంత దరిద్రపు

ప్రభుత్వం లేదు, రాదు..

తిరుపతి మంగళం : ప్రపంచ రాజకీయ చరిత్రలోనే కూటమి ప్రభుత్వం లాంటి దరిద్రపు ప్రభుత్వం ఇంతవరకు లేదు, ఇకపై రాదు. అధికార దాహంతో నోటికి వచ్చిన అబద్దపు హామీల తో ప్రజలను వంచించి అధికారంలోకి వచ్చిన ప్రభుత్వం కూటమి సర్కారు. అధికారంలోకి వచ్చిన రెండేళ్లలో ప్రజాసంక్షేమం, రాష్ట్రాభివృద్ధి ని పక్కన పెట్టి, ప్రజలకిచ్చిన హామీలను తుంగ లో తొక్కాడు చంద్రబాబు. ఎంతసేపు అమరావ తి అభివృద్ధి అంటున్నాడే తప్ప పోలవరం ప్రాజెక్టును కూడా పూర్తి చేయలేదు. మా నాయకుడు వైఎస్‌ జగన్‌మోహన్‌రెడ్డి ప్రజా సంక్షేమం కోసం వైఎస్సార్‌ సీపీని స్థాపించారు. అధికారంలో ఉన్నా లేకున్నా ప్రజాసంక్షేమం, రాష్ట్రాభివృద్ధే లక్ష్యంగా పోరాటం సాగిస్తున్న ఏకై క నాయకుడు వైఎస్‌. జగన్‌. – పెద్దిరెడ్డి రామచంద్రారెడ్డి,

మాజీ మంత్రి, పుంగనూరు ఎమ్మెల్యే

2029లో వైఎస్సార్‌ సీపీ

గెలుపు ఖాయం

చంద్రబాబు చెప్పిన అబద్దాలు, చేసిన మోసాలతో ప్రజలంతా విసిగిపోయి, 2029లోవె వైఎస్సార్‌సీపీకి తిరిగి పట్టం కట్టేందుకు ప్రజలంతా సిద్ధంగా ఉన్నారు. వచ్చే ఎన్నికల్లో వైఎస్సార్‌ సీపీ గెలుపు ఖాయం. చంద్రబాబు మోసాలను ఇప్పటికే ప్రజలంతా గ్రహించారని, రాబోయే రోజుల్లో జగనన్నను తిరిగి ముఖ్యమంత్రిగా చేసుకునేందుకు సిద్దంగా ఉన్నారు. గత ఐదేళ్ల పాలనలో ప్రజాసంక్షేమం, రాష్ట్రాభివృద్ధే లక్ష్యంగా పాలన సాగించిన మగాడు వైఎస్‌.జగన్‌మోహన్‌రెడ్డి. ఐదేళ్ల వైఎస్సార్‌సీపీ పాలనలో ప్రజా సంక్షేమం, అభివృద్ధి రెండు కళ్లుగా భావించి పాలన సాగించిన గొప్ప నాయకుడు జగనన్న. తండ్రి ఆశయసాధన కోసం, ప్రజాసంక్షేమం కోసం 2011లో వైఎస్‌ జగన్‌మోహన్‌రెడ్డి వైఎస్సార్‌సీపీని స్థాపించారు. అప్పటి నుంచి ఆయన అలుపెరగని పోరాటాలు చేస్తున్నారు.

– భూమన కరుణాకరరెడ్డి, వైఎస్సార్‌ సీపీ

చిత్తూరు, తిరుపతి జిల్లాల అధ్యక్షుడు

తిరుపతి అర్బన్‌:వైఎస్సార్‌ సీపీ ఆవిర్భావ వేడుకలను ఊరూరా ఘనంగా జరుపుకున్నారు. ఆయా ప్రాంతా ల్లోని వైఎస్సార్‌ విగ్రహాలకు పుష్పాంజలి ఘటించారు. అనంతరం పార్టీ జెండాను ఆవిష్కరించారు. తరువాత కేక్‌లు కట్‌ చేసి, సంబరాలు జరుపుకున్నారు. పేదోడి ప్రభుత్వం మళ్లీ అధికారంలోకి రావాలంటూ నినాదాలు చేశారు. పార్టీ 15 వసంతాలు పూర్తి చేసుకుని, 16వ వసంతంలోకి అడుగుపెడుతున్న తరుణంలో గత జగనన్న పాలనను గుర్తు చేసుకున్నారు. జై జగన్‌..జైజై జగన్‌ అంటూ నినాదాలు చేశారు. పార్టీ జెండా జెండాలు ఎగురవేశారు.

మహానేత ఆశయాల కోసం పుట్టిన పార్టీ వైఎస్సార్‌ సీపీ

నగరి: వైఎస్సార్‌ ఆశయాల కోసం పుట్టిన పార్టీ వైఎస్సార్‌ కాంగ్రెస్‌. నిరంతరం ప్రజల కోసం పనిచేసే పార్టీ. ఇచ్చిన వాగ్దానాలను 99 శాతం నెరవేర్చిన పార్టీ. మాటిస్తే దానిపై నిలబడి పనిచేసిన మహామనిషి జగన్‌మోహన్‌రెడ్డి మాత్రమే. పార్టీ 15 సంవత్సరాలు పూర్తి చేసుకుందంటే ఆ ఘనత దమ్మున్న నాయకుడు జగన్‌మోహన్‌రెడ్డి, ఆయనకు అండగా ఉన్న వైఎస్సార్‌ కుటుంబ సభ్యులకే చెందుతుంది. కూటమి ప్రభుత్వం మేనిఫెస్టోలో చేయలేని అంశాలు పెట్టి అధికారంలోకి వచ్చాక రెండళ్లవుతున్నా ఏదీ నెరవేర్చలేదు. రాష్ట్రంలో లా అండ్‌ ఆర్డర్‌ పూర్తిగా గతితప్పింది. నగరిలో ప్రకృతి వనరులన్నీ దోచేస్తున్నారన్నారు. దోచుకో ... దాచుకో అన్నదే నగరి ఎమ్మెల్యే భానుప్రకాష్‌ తీరుగా మారింది. – మాజీ మంత్రి ఆర్కేరోజా