అద్భుతం.. అద్దాల మండపం

Yadadri Temple officials released the video - Sakshi

బంగారు వర్ణంలో రూపు దిద్దుకుంటున్న మండపం  

వీడియోను విడుదల చేసిన ఆలయ అధికారులు

యాదగిరిగుట్ట: యాదాద్రి శ్రీలక్ష్మీనరసింహస్వామి ప్రధాన ఆలయ పునర్నిర్మాణంలో భాగంగా పడమటి రాజగోపురం సమీపంలోని ఇన్నర్‌ ప్రాకార మండపం నైరుతి దిశలో నిర్మాణమవుతున్న అద్దాల మండపం క్షేత్రానికి వచ్చే భక్తులను మరింత ఆకర్షించనుంది. ప్రస్తుతం అద్దాల మండపంలో విద్యుద్దీకరణ పనులు జరుగుతున్నాయి. ఇదిలా ఉండగా.. అద్దాల మండపానికి సంబంధించిన ఓ వీడియోను ఆలయ అధికారులు మంగళవారం విడుదల చేశారు.

పూర్తి స్థాయిలో బంగారు వర్ణంతో కూడిన అద్దాల మండపంలో శ్రీలక్ష్మీనరసింహస్వామి వారు ఊయలలో ఊగుతున్నట్లు కనిపిస్తున్నారు. సుమారు 123 ఇంచుల ఎత్తు, నాలుగు దిక్కుల 60 ఫీట్ల చుట్టు వెడల్పుతో అద్దాల మండపం నిర్మాణమవుతోంది. మండపానికి ముందు భాగంలో రెండు నల్లరాతితో చెక్కిన ఏనుగులను ఏర్పాటు చేసినట్లు వీడియోలో కనిపిస్తోంది. ఈ మండపానికి ప్రధాన ఆకర్షణీయంగా బంగారం వర్ణంలో దర్వాజాల ముందు భాగంలో ఆళ్వార్‌ చిత్రాలను రూపొందించారు.  
 

Read latest Telangana News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top