HYD: స్ట్రీట్‌ ఫుడ్‌ కుమారి ఆంటీ షాపుపై స్పందించిన సీఎంవో | Sakshi
Sakshi News home page

HYD: స్ట్రీట్‌ ఫుడ్‌ కుమారి ఆంటీ షాపుపై స్పందించిన సీఎంవో

Published Wed, Jan 31 2024 12:56 PM

Telangana Cmo Responded Street Food Kumari Aunty Shop - Sakshi

సాక్షి, హైదరాబాద్‌: సోషల్ మీడియాలో ఫేమస్ అయిన స్ట్రీట్ ఫుడ్ ఆంటీ కుమారికి షాక్‌ ఇచ్చిన పోలీసులు.. ఆమె ఫుడ్‌ కోర్టును బంద్‌ చేయించిన విషయం తెలిసిందే. ఏ సోషల్‌ మీడియా అయితే ఆమెను ఫేమస్‌ చేసిందో.. అదే ఆమెను ఇబ్బందులకు గురిచేసింది.

ఆమె వీడియోలు వైరల్‌ అయ్యాక ఆ ఫుడ్‌ కోర్టుకు జనాలు క్యూ కడుతున్నారు. ఈ క్రమంలో భారీ సంఖ్యలో జనం వస్తుండడం.. వాహనాల పార్కింగ్‌తో ఈ మధ్య మాదాపూర్‌లోని ఆమె ఫుడ్‌ కోర్టు వద్ద భారీగా ట్రాఫిక్‌ జామ్‌ అవుతోంది. దీంతో మంగళవారం నాడు పోలీసులు రంగంలోకి దిగారు. ఆమె ఫుడ్‌కోర్టును అక్కడి నుంచి తరలించారని ఆదేశించారు.

ఈ క్రమంలో కుమారి ఆంటీ షాపుపై సీఎంవో స్పందించింది. కుమారి ఆంటీ షాపును మార్చాలనే నిర్ణయాన్ని తెలంగాణ సర్కార్‌ వెనక్కి తీసుకుంది. యథావిధిగా కొనసాగించాలని డీజీపీ, ఎంఏయూడీ అధికారులను సీఎం రేవంత్‌ ఆదేశించారు. ప్రజాపాలనకు ప్రాధాన్యత ఇస్తామంటూ సీఎంవో ట్వీట్‌ చేసింది.

ఇదీ చదవండి: జనం గుండెల్లో జగన్‌.. కుమారిపై ప్రతిపక్షాల టార్గెట్ అందుకేనా?

Advertisement
 
Advertisement