ఫుడ్‌ ఫర్‌ ‘పాజిటివ్‌’

Food For Corona Positive Patients - Sakshi

 హోం ఐసోలేషన్‌లో ఉన్న వారికి ఉపయుక్తంగా ఫుడ్‌ ప్యాకేజ్‌

ఇంటి ముంగిటకే ఆరోగ్యకర ఆహారం 

రాజధానిలో ఆశావహంగా కొత్త బిజినెస్‌

సాక్షి, హైదరాబాద్‌: రాజధానిలో మరోసారి కరోనా విజృంభిస్తోంది. కోవిడ్‌ పాజిటివ్‌ బాధితుల సంఖ్య రోజురోజుకూ రెట్టింపవుతోంది. పెద్దసంఖ్యలో రోగులకు ఆసుపత్రుల్లో బెడ్స్‌ అందించడం సాధ్యం కాదు కాబట్టి అధిక శాతం బాధితులకు, నాన్‌ సీరియస్‌ కేసులకు హోమ్‌ ఐసోలేషన్‌ ఏకైక మార్గంగా మారింది. ఈ నేపథ్యంలో ఇంట్లోనే ఉండి చికిత్స అందుకుంటున్న వారికి ఆరోగ్యకరమైన ఆహారం ఇంటి ముంగిటకే రావడం ఒక వరంలా మారింది. ప్రస్తుతం ఇళ్ల నుంచి, కేటరింగ్‌ సంస్థల ద్వారా ఇలా సరఫరా చేస్తున్న వారు దాదాపు 50కిపైగా ఉంటారు. 

అన్ని రకాల పదార్థాలతో ఫుడ్‌ ప్యాకేజ్‌ ఇలా..

కోవిడ్‌ పాజిటివ్‌గా నిర్ధారణ అయి ఇళ్లలోనే ఐసోలేషన్‌లో ఉన్నవారికి హైదరాబాద్‌కు చెందిన కొన్ని కేటరింగ్‌ సంస్థలు ఫుడ్‌ ప్యాకేజ్‌లను అందిస్తూ కొత్త రకం వ్యాపారాన్ని అందిపుచ్చుకుంటున్నాయి. ఒంటరిగా నివసిస్తున్నవారితోపాటు ఇతరులకు మరీ ముఖ్యంగా తమ కుటుంబసభ్యులకు కోవిడ్‌ వ్యాప్తికాకుండా  జాగ్రత్త పడే పాజిటివ్‌ రోగులకు ఇవి ఉపయుక్తంగా మారాయి. కరోనా కారణంగా కుప్పకూలిన ఫుడ్‌ బిజినెస్‌కి కొత్త మార్గాల ద్వారా ఆదాయాన్ని ఆర్జించడానికి కూడా ఇది వీలు కల్పిస్తోంది. రెండేళ్లుగా అతలాకుతలమైన కేటరర్లు, రెస్టారెంట్స్‌ నిర్వాహకులకు ఈ ఆహార సరఫరా కొంత వరకూ ఉపశమనాన్నిస్తోంది. పలువురు కేటరర్లు, సంస్థలు ఇప్పటికే నగర వ్యాప్తంగా ఈ తరహా సేవల్ని విస్తరించారు.

సోషల్‌ మీడియాలో ప్రచారం
కేటరింగ్‌ సంస్థలు కోవిడ్‌ బాధితులకు తాము అందిం చే ఆహారం గురించి ప్రచారం కోసం సోషల్‌ మీడి యాను విరివిగా ఉపయోగించుకుంటున్నాయి. వా ట్సాప్‌ గ్రూపులతో పాటు ఫేస్‌బుక్, ట్విట్టర్‌లో తమ ఆఫర్లను, ప్యాకేజీలను ప్రకటిస్తూ ప్రచారం సాగిస్తు న్నాయి. బాధితుల నుంచి స్పందన కూడా బాగానే ఉంటోందని కేటరింగ్‌ నిర్వాహకులు చెబుతున్నారు. కోవిడ్‌ బాధితుల నుంచి వస్తున్న ఆర్డర్ల మేరకు సమకూర్చలేకపోతున్నామని కొందరు నిర్వాహకులు చెప్పడాన్ని బట్టి చూస్తే ప్రస్తుతం దీనికి ఎంత డిమాం డ్‌ ఉందో అర్థం చేసుకోవచ్చు.

మరికొద్ది రోజులు కోవిడ్‌ విజృంభణ కొనసాగుతుందన్న అంచనాలతో ఇప్పుడిప్పుడే ఈ వ్యాపారంలోకి మరికొందరు దిగుతున్నారు. ఈ క్రమంలో మూతపడిన హోటళ్లు, రెస్టారెంట్లు ఈవైపు అడుగులు వేసేందుకు ప్రయ త్నిస్తున్నాయి. ఆయా సంస్థలు రూ.650 నుంచి ప్యాకేజీ ధరను నిర్ణయించాయి. అందించే ఆహార పదార్థాల నాణ్యతను బట్టి ఈ ధర రూ.9 వేల వరకు ఉంది. బాధితులకు వైద్యులు సూచించే పోషకాలన్నీ ఇందులో ఉండేలా నిర్వాహకులు చూస్తున్నారు. ఫోన్‌ చేసి అడ్రస్‌ చెబితే చాలు ఈ ‘ఇమ్యూనిటీ ఫుడ్‌ ప్యాకేజ్‌’ బాధితుల ఇంటికే నిమిషాల్లో చేరుతోంది. 

చారిటీ నుంచి బిజినెస్‌ వైపు
మొదట కోవిడ్‌ పాజిటివ్‌ బాధితులకు చారిటీగా దీన్ని గత ఏడాది ప్రారంభించాం. అయితే బాధితుల సంఖ్య వందలు, వేలకు చేరడంతో బిజినెస్‌గా మార్చుకున్నాం. కానీ ఇప్పటికీ లాభాపేక్షతో చేయడం లేదు. ఇప్పటిదాకా దాదాపు 3వేల వెజ్‌ మీల్స్‌ సరఫరా చేశాం. రోజూ 300కిపైగా థాలీలు అందిస్తున్నాం. ఒకే ఇంటి నుంచి అరడజను ఆర్డర్స్‌ వస్తే డెలివరీ ఖర్చులు భరిస్తున్నాం. మొత్తంగా 14 రోజుల పాటు లంచ్, డిన్నర్‌లకు రూ.4వేలలో మినీ థాలీస్, రూ.6 వేలలో హోమ్‌ థాలీస్‌ ఇస్తున్నాం.
–అనిల్‌ అగర్వాల్, సాయి కైలాష్‌ దాబా

రోజుకు మూడుసార్లు
15 ఏళ్లుగా పాతబస్తీ కేంద్రంగా కేటరింగ్‌ బిజినెస్‌ చేస్తున్నాం. నెల రోజులుగా కేసుల సంఖ్య బాగా పెరగడంతో ఇప్పుడు రోజుకు 20–25 భోజనాలు సరఫరా చేస్తున్నాం.  నా భార్య వంట చేస్తుంది. మా కుటుంబ సభ్యులు వాటిని డెలివరీ చేస్తారు. కనీసం 25 కి.మీ పరిధిలో ఉన్న వారికి అందించగలుగు తున్నాం. అంతకంటే దూరంగా ఉన్నవారు ఇతర యాప్స్‌ ఉపయోగించి ఇంటి దగ్గరకే ఆహారం రప్పించుకోవచ్చు. మా ఫుడ్‌ ప్యాకేజ్‌ ధర రూ.9వేలు.    
    – ఆనంద్‌ సంఘీ, సంఘీ కేటరర్స్‌

ఫ్రెష్‌.. ఇమ్యూనిటీ బూస్ట్‌
ఇటీవలే కోవిడ్‌ ప్యాకేజ్‌ పేరుతో ఆహార పంపిణీ ప్రారంభించాం. తొలుత మోతీనగర్‌లోని మా ఇంట్లోనే తయారు చేసేవాళ్లం. అయితే ఆర్డర్లు పెరగడంతో మేం మూసేసిన రెస్టారెంట్‌ కిచెన్‌ని తిరిగి ఓపెన్‌ చేయాల్సి వచ్చింది. రోగులకు మంచి ఆహారాన్ని అందించడం మీద మాత్రమే తప్ప లాభాలపై దృష్టి లేదు. ఆహారంతో పాటు కేరళ నుంచి తెప్పించిన ఇమ్యూనిటీ పెంచే ఆయుర్వేదిక్‌ పౌడర్‌ను కూడా మేం జత చేసి ఇస్తున్నాం. దీనితోపాటు పండ్లు, సూప్స్‌ వంటివి కూడా ఇస్తున్నాం. బ్రేక్‌ఫాస్ట్, లంచ్, డిన్నర్‌ కలిపి రోజుకి రూ.650తో ఇస్తున్నాం. కస్టమర్‌ అవసరాన్ని రోజుకి 3 విడతల వరకూ సరఫరా చేస్తున్నాం.
    – నిఖిల్, ది క్లౌడ్‌ కిచెన్‌    
చదవండి: షాకింగ్‌: కరోనా సోకిందని సూటిపోటి మాటలు.. ఆత్మహత్య

Read latest Telangana News and Telugu News | Follow us on FaceBook, Twitter, Telegram

మరిన్ని వార్తలు

06-05-2021
May 06, 2021, 11:43 IST
తిరువనంతపురం: కేరళలో కరోనా రెండో దశ విశ్వరూపం చూపిస్తోంది. రాష్ట్రంలో కేసులు భారీగా పెరుగుతున్నాయి. ఈ నేపథ్యంలో కోవిడ్‌ కట్టడికి కేరళ...
06-05-2021
May 06, 2021, 08:18 IST
సాక్షి, హైదరాబాద్‌: ప్రైవేటు ఆసుపత్రులు కరోనా రోగుల నుంచి లక్షలాది రూపాయలు ఫీజులుగా వసూలు చేస్తుండడంపై హైకోర్టు ఆందోళన వ్యక్తం...
06-05-2021
May 06, 2021, 08:06 IST
సాక్షి, గాంధీఆస్పత్రి( హైదరాబాద్‌): మనోధైర్యంతో కరోనా మహమ్మారిని జయించారు.. నాలుగు గోడల మధ్య ఒంటరిగా హోంక్వారంటైన్‌లో ఉంటూ పాజిటివ్‌ దృక్పథంతో...
06-05-2021
May 06, 2021, 06:06 IST
జెనీవా (స్విట్జర్లాండ్‌): ఈ ఏడాదికి వాయిదా పడ్డ యూరో కప్‌ ఫుట్‌బాల్‌ టోర్నమెంట్‌ను సాఫీగా జరిపేందుకు నడుం బిగించిన యూనియన్‌...
06-05-2021
May 06, 2021, 05:33 IST
సాక్షి, న్యూఢిల్లీ: దేశంలో కరోనా విలయతాండవం కొనసాగుతోంది. మూడురోజుల పాటు కాస్త తగ్గుముఖం పట్టిన రోజువారీ కరోనా పాజిటివ్‌ కేసులు...
06-05-2021
May 06, 2021, 05:33 IST
సాక్షి, విశాఖపట్నం: దేశంలో విజృంభిస్తున్న కోవిడ్‌–19 సెకండ్‌ వేవ్‌పై జరుగుతున్న సమరంలో భారత నౌకాదళం ఓ అడుగు ముందుకేసింది. ప్రస్తుత...
06-05-2021
May 06, 2021, 05:27 IST
పుట్టపర్తి అర్బన్‌: కరోనా.. ఎక్కడ విన్నా ఇదే మాట. పట్టణాలన్నీ వైరస్‌ బారిన పడినా.. కొన్ని పల్లెలు మాత్రం భద్రంగా...
06-05-2021
May 06, 2021, 05:24 IST
సాక్షి ప్రతినిధి, చెన్నై: ఆక్సిజన్‌ కొరత ఎందరి ప్రాణాలనో బలితీసుకుంటోంది. తమిళనాడు రాష్ట్రం చెంగల్పట్టు జిల్లా ప్రభుత్వాస్పత్రి కరోనా వార్డులో...
06-05-2021
May 06, 2021, 05:18 IST
సాక్షి, న్యూఢిల్లీ: కరోనా వ్యాప్తి తీవ్రంగా ఉన్నందువల్ల దేశంలోని వివిధ రాష్ట్రాలు, కేంద్ర పాలిత ప్రాంతాల్లో జరగాల్సిన ఉపఎన్నికలను వాయిదా...
06-05-2021
May 06, 2021, 05:17 IST
తిరుమల: కరోనా నియంత్రణలో భాగంగా బుధవారం నుంచి రాష్ట్రంలో మధ్యాహ్నం 12 నుంచి మరుసటి రోజు ఉదయం 6 గంటల...
06-05-2021
May 06, 2021, 04:33 IST
కర్నూలు (హాస్పిటల్‌): కోవిడ్‌ బాధితుల్లో కొందరు శరీరంలో ఆక్సిజన్‌ శాతం తగ్గిపోయి ప్రాణాలు కోల్పోతున్నారు. ఇలాంటి వారిని కాపాడుకునేందుకు నిమిషానికి...
06-05-2021
May 06, 2021, 02:54 IST
సాక్షి, అమరావతి: రాష్ట్రంలో మొదటి డోసు వ్యాక్సిన్‌ వేయించుకున్న వారికి సకాలంలోనే రెండో డోసు వేస్తామని వైద్య ఆరోగ్యశాఖ ముఖ్యకార్యదర్శి...
06-05-2021
May 06, 2021, 01:52 IST
సాక్షి, న్యూఢిల్లీ: దేశంలో కరోనా మహమ్మారి సెకండ్‌ వేవ్‌ కారణంగా పెద్ద సంఖ్యలో నమోదవుతున్న మరణాల నేపథ్యంలో జాతీయ స్థాయిలో...
06-05-2021
May 06, 2021, 01:05 IST
సాక్షి, హైదరాబాద్‌: ‘రాష్ట్రంలో పరిస్థితులు పూర్తి నియంత్రణలో ఉన్నాయి. లాక్‌డౌన్‌తో ఉపయోగం లేదని నమ్ముతున్నాం. కొన్ని రాష్ట్రాలు లాక్‌డౌన్‌ విధించినా...
06-05-2021
May 06, 2021, 01:05 IST
ముంబై: రెండో దశ కరోనా వ్యాప్తితో కుదేలైన ఆర్థిక వ్యవస్థను ఆదుకునేందుకు ఆర్‌బీఐ ప్రకటించిన ఉద్దీపన చర్యలు స్టాక్‌ మార్కెట్‌ను...
06-05-2021
May 06, 2021, 00:57 IST
ముంబై: కరోనా కారణంగా ఇబ్బందులు ఎదుర్కొంటున్న వర్గాలను ఆదుకునేందుకు ఆర్‌బీఐ రంగంలోకి దిగింది. వ్యక్తులు, చిన్న, మధ్య తరహా వ్యాపార...
06-05-2021
May 06, 2021, 00:40 IST
న్యూఢిల్లీ: కరోనా వల్ల అతలాకుతలం అయిన ఢిల్లీ ప్రజలకు తనవంతు సాయం అందించేందుకు భారత మాజీ క్రికెటర్‌ ఇర్ఫాన్‌ పఠాన్‌...
05-05-2021
May 05, 2021, 18:41 IST
అమరావతి: ఏపీలో కరోనా కట్టడికి ప్రభుత్వం అన్ని చర్యలు తీసుకుంటుందని సజ్జల రామకృష్ణారెడ్డి పేర్కొన్నారు. కరోనా కట్టడిలో భాగంగా ఏపీలో...
05-05-2021
May 05, 2021, 18:23 IST
ఢిల్లీ: దేశంలో కరోనా కేసులు పెరగడం ఆందోళన కలిగిస్తోందని కేంద్ర వైద్యారోగ్యశాఖ జాయింట్‌ సెక్రటరీ లవ్‌ అగర్వాల్‌ తెలిపారు. దేశంలో కరోనా మహమ్మారి...
05-05-2021
May 05, 2021, 18:01 IST
రాజస్థాన్‌లో షాకింగ్‌ ఉదంతం ఒకటి కలకలం రేపింది.  కరోనాతో మృతి చెందిన  తండ్రి మరణాన్ని తట్టుకోలేని  ఓ కుమార్తె ఆయన...
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి



 

Read also in:
Back to Top