India Bowler Mukesh Kumar Marriage: పెళ్లి చేసుకున్న టీమిండియా యువ పేసర్‌.. అమ్మాయి ఎవరంటే?

Teamindia Fast bowler Mukesh Kumar got married - Sakshi

టీమిండియా యువ పేసర్‌ ముఖేష్‌ ​కుమార్‌ ఓ ఇంటివాడయ్యాడు. బీహార్‌కు చెందిన తన చిన్ననాటి స్నేహితురాలు దివ్య సింగ్‌ను ముఖేష్‌ వివాహమాడాడు. వీరిద్దరి పెళ్లి గోరఖ్‌పూర్‌లో ఓ హోటల్‌లో మంగళవారం ఘనంగా జరిగింది. వీరి వివాహనికి పలువురు క్రికెటర్లు హాజరయ్యారు. ఇందుకు సంబంధించిన ఫోటోలు, వీడియోలు సోషల్‌ మీడియాలో వైరలవుతున్నాయి. డిసెంబర్‌ 4న గోరఖ్‌పూర్‌లో ముఖేష్‌-దివ్య వివాహ రిసెప్షన్‌ జరగనుంది.

 

ఈ క్రమంలోనే మంగళవారం గౌహతి వేదికగా ఆస్ట్రేలియాతో జరిగిన మూడో టీ20కు ముఖేష్‌ దూరమయ్యాడు. ఈ విషయాన్ని మూడో టీ20 ఆరంభానికి ముందు బీసీసీఐ వెల్లడించింది. ముఖేష్‌ తిరిగి మళ్లీ శుక్రవారం రాయ్‌పూర్‌ వేదికగా జరగనున్న నాలుగో టీ20కు ముందు జట్టుతో కలవనున్నాడు. తొలి రెండు టీ20ల్లో ముఖేష్‌ అద్భుతమైన బౌలింగ్‌ ప్రదర్శరన కనబరిచాడు.

కాగా ముఖేష్‌ ​కుమార్‌ ఏడాదిలోనే టీమిండియా తరపున మూడు ఫార్మాట్లలోనూ అరేంగ్రం చేయడం గమనార్హం. ఈ ఏడాది జూలైలో వెస్టిండీస్‌ పర్యటనలో వన్డే, టెస్టు, టీ20 ఫార్మాట్లలో భారత్‌ తరపున అంతర్జాతీయ క్రికెట్‌లో అడుగుపెట్టాడు. ఐపీఎల్‌లో ఢిల్లీ క్యాపిటల్స్‌కు ముఖేష్‌ ప్రాతినిథ్యం వహిస్తున్నాడు. ఐపీఎల్‌-2022 వేలంలో అతడిని రూ. 5 కోట్లకు ఢిల్లీ కొనుగోలు చేసింది.


 

Read latest Sports News and Telugu News | Follow us on FaceBook, Twitter, Telegram



 

Read also in:
Back to Top