TV
సోపియా: స్ట్రాండ్జా మెమోరియల్‌ టోర్నమెంట్‌లో భారత బాక్సర్లు అనామిక, అనుపమ, గోవింద్‌ కుమార్‌ సహాని రజత పతకాలు సాధించారు. మహిళల 50 కేజీల ఫైనల్లో జాతీయ చాంపియన్‌ అనామిక 1–4తో చైనాకు చెందిన హు మెయి చేతిలో ఓడింది. పురుషుల 48 కేజీల తుదిపోరులో గోవింద్‌ కుమార్‌ 1–4తో షోదియోర్జన్‌ మెలికుజీవ్‌ (ఉజ్బెకిస్తాన్‌) చేతిలో పరాజయం చవిచూశాడు.
మహిళల 81 కేజీల ఫైనల్లో అనుపమ 0–5తో ఆస్ట్రేలియన్‌ బాక్సర్‌ ఎమ్మా సూ గ్రీన్‌ట్రి చేతిలో ఓడిపోయింది. ఈ టోరీ్నలో భారత్‌ మొత్తం ఎనిమిది పతకాలు సాధించింది. ఇందులో మూడు రజతాలు కాగా... ఐదు కాంస్య పతకాలున్నాయి. పురుషుల కేటగిరీలో బిశ్వామిత్ర చొంగ్తమ్‌ (51 కేజీలు), సచిన్‌ (54 కేజీలు), మహిళల విభాగంలో కలైవాణి (48 కేజీలు), శ్రుతి యాదవ్‌ (70 కేజీలు), మోనిక (ప్లస్‌ 81 కేజీలు) కాంస్యాలు గెలిచారు.
