IPL 2023: ఐపీఎల్‌లో చరిత్ర సృష్టించిన మహ్మద్‌ షమీ..

ఐపీఎల్‌లో గుజరాత్‌ టైటాన్స్‌ స్టార్‌ పేసర్‌ మహ్మద్‌ షమీ అరుదైన ఘనత సాధించాడు. ఐపీఎల్‌లో 100 వికెట్ల సాధించిన బౌలర్ల ఎలైట్‌ జాబితాలో షమీ చేరాడు. ఐపీఎల్‌-2022లో భాగంగా చెన్నై సూపర్‌ కింగ్స్‌తో మ్యాచ్‌లో డెవాన్‌ కాన్వేను ఔట్‌ చేసిన షమీ.. ఈ అరుదైన ఘనతను తన పేరిట లిఖించుకున్నాడు.

ఓవరాల్‌గా ఈ అరుదైన ఫీట్‌ సాధించిన జాబితాలో 19వ స్ధానంలో షమీ నిలిచాడు. అదే విధంగా ఈ రికార్డు సాధించిన 14వ భారత బౌలర్‌గా షమీ నిలిచాడు. షమీ ఈ మైల్‌స్టోన్‌ను 94 మ్యాచ్‌ల్లో అందుకున్నాడు. షమీ గతంలో ఢిల్లీ క్యాపిటల్స్‌, కోల్‌కతా నైట్‌రైడర్స్‌, పంజాబ్‌ కింగ్స్‌ తరపున కూడా ఆడాడు. 2013లో షమీ ఐపీఎల్‌ అరంగేట్రం చేశాడు.
చదవండి: IPL2023 Opening Ceremony: అట్టహాసంగా ఐపీఎల్‌ ఆరంభ వేడుకలు: దుమ్ములేపిన తమన్నా, రష్మిక.. తెలుగు పాటలతో