IPL 2022 LSG Vs MI: ముంబై ఓటమి నం.8

IPL 2022: Lucknow Super Giants beat Mumbai Indians by 36 runs - Sakshi

కేఎల్‌ రాహుల్‌ వీరోచిత సెంచరీ

36 పరుగులతో లక్నో జయభేరి

బౌలింగ్‌లో రాణించిన కృనాల్‌

ముంబై: ఐపీఎల్‌లో అత్యధికంగా ఐదుసార్లు చాంపియన్‌గా నిలిచిన ముంబై ఇండియన్స్‌ గెలవడం మరిచిందా! లేక ఓడటమే వారికి అలవాటయిందా! ఐపీఎల్‌ మ్యాచ్‌లన్నీ ముంబై చుట్టూనే జరుగుతున్నా ముంబై ఆటలు మాత్రం సాగడం లేదు. ఇప్పుడు వరుసగా ఎనిమిదో ఓటమితో ఈ సీజన్‌లో ముంబైకి ముందుకెళ్లే అవకాశమే లేదు. ఆదివారం జరిగిన మ్యాచ్‌లో ముంబై 36 పరుగుల తేడాతో లక్నో సూపర్‌ జెయింట్స్‌ చేతిలో ఓడింది.

మొదట లక్నో సూపర్‌ జెయింట్స్‌ 20 ఓవర్లలో 6 వికెట్ల నష్టానికి 168 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ కెప్టెన్‌ కేఎల్‌ రాహుల్‌ (62 బంతుల్లో 103 నాటౌట్‌; 12 ఫోర్లు, 4 సిక్సర్లు) శతక్కొట్టాడు. తర్వాత లక్ష్యఛేదనకు దిగిన ముంబై 20 ఓవర్లలో 8 వికెట్ల నష్టానికి 132 పరుగులకే పరిమితమైంది. కెప్టెన్‌ రోహిత్‌ శర్మ (31 బంతుల్లో 39; 5 ఫోర్లు, 1 సిక్స్‌) మెరుగ్గా ఆడాడు. కృనాల్‌ పాండ్యా 3 వికెట్లు పడగొట్టాడు.

రాహుల్‌ కెప్టెన్‌ ఇన్నింగ్స్‌
రాహుల్‌ రెండో ఓవర్‌ నుంచి తనశైలి ఆటకు శ్రీకారం చుట్టాడు. హృతిక్‌ బౌలింగ్‌లో బౌండరీ కొట్టిన అతను... సామ్స్‌ మూడో ఓవర్లో 2 వరుస ఫోర్లు బాదాడు. స్కోరు జోరు మొదలైన సమయంలోనే డికాక్‌ (10) వికెట్‌ను కోల్పోయింది. అంతకుముందు బంతికే అతను అవుటవ్వాల్సింది. మిడ్‌వికెట్‌ మీదుగా భారీషాట్‌ను కొట్టగా బౌండరీ వద్ద తిలక్‌ వర్మ జారవిడువడంతో సిక్సర్‌గా వెళ్లింది. మనీశ్‌ పాండే వచ్చాడు కానీ ఆట మాత్రం గతి తప్పింది. 8 ఓవర్లు పూర్తయినా జట్టు స్కోరు 45/1! యాభై పరుగులైనా చేయలేదు. 10వ ఓవర్లో పాండే సిక్సర్, రాహుల్‌ 2 ఫోర్లు కొట్టడంతో 17 పరుగులొచ్చాయి. మరుసటి ఓవర్లోనే రాహుల్‌ 37 బంతుల్లో (6 ఫోర్లు, 1 సిక్స్‌) అర్ధసెంచరీ పూర్తి చేసుకున్నాడు.

టపటపా వికెట్లతో కుదేలైనా...
11 ఓవర్లు ముగిసేసరికి 82/1 స్కోరుతో పటిష్టంగా కనిపించిన లక్నో అనూహ్యంగా తడబడింది. బౌలింగ్‌కు దిగిన పొలార్డ్‌ తన వరుస ఓవర్లలో మనీశ్‌ పాండే (22 బంతుల్లో 22; 1 సిక్స్‌), కృనాల్‌ పాండ్యా (1)లను పెవిలియన్‌ చేర్చాడు. ఈ రెండు ఓవర్ల మధ్యలో సామ్స్‌... స్టొయినిస్‌ (0)ను డకౌట్‌ చేశాడు. దీపక్‌ హుడా (10) ఎక్కువసేపు నిలువలేదు. స్వల్ప వ్యవధిలో 4 వికెట్లను కోల్పోవడంతో బ్యాటింగ్‌ భారమంతా మళ్లీ కెప్టెన్‌ రాహుల్‌పైనే పడింది.

ఉనాద్కట్‌ 18వ ఓవర్లో హ్యాట్రిక్‌ ఫోర్లతో రాహుల్‌ జట్టు స్కోరును 150 పరుగులు దాటించాడు. బుమ్రా వేసిన ఆఖరి ఓవర్‌ తొలి బంతిని సిక్సర్‌గా మలచి రాహుల్‌ 61 బంతుల్లో (12 ఫోర్లు, 4 సిక్స్‌లు) సెంచరీని పూర్తి చేసుకున్నాడు. ఈ సీజన్‌లో లక్నో సారథికిది రెండో శతకం. తొలి సెంచరీ కూడా ముంబైపైనే సాధించాడు.

చేతులెత్తేసిన బ్యాటర్స్‌
200 పైచిలుకు స్కోర్లనే ధనాదంచేస్తున్న సీజన్‌ ఇది. ముంబై ముందున్న 169 పరుగుల లక్ష్యం ఏమంత కష్టమైంది కాదు. కానీ బ్యాటర్స్‌ నిర్లక్ష్యం ముంబైని నిలువునా ముంచింది. ఓపెనింగ్‌లో (రోహిత్‌) శర్మ, మిడిలార్డర్‌లో (తిలక్‌) వర్మ (27 బంతుల్లో 38; 2 ఫోర్లు, 2 సిక్స్‌లు) మినహా మిగతాదంతా ఖర్మ అన్నట్లు సాగింది ముంబై బ్యాటింగ్‌. పవర్‌ ప్లేలో (43/0) బాగా ఆడిన జట్టు... ఇంకో 14 ఓవర్లలో 89 పరుగులే చేయగలిగింది.

పొలార్డ్‌ (19) రెండంకెల స్కోరు! మిగతా బ్యాటర్స్‌ ఇషాన్‌ (8), బ్రెవిస్‌ (3), సూర్యకుమార్‌ (7), సామ్స్‌ (3), ఉనాద్కట్‌ (1)లు పది పరుగులైనా చేస్తే ఒట్టు. అంత చెత్తగా ముంబై ఆట సాగింది. లక్నో బౌలర్లలో కృనాల్‌తో పాటు మోసిన్‌ (1/27), హోల్డర్‌ (1/36), బిష్ణోయ్‌ (1/28), బదోని (1/6) మూకుమ్మడిగా దెబ్బతీశారు.

స్కోరు వివరాలు
లక్నో సూపర్‌ జెయింట్స్‌ ఇన్నింగ్స్‌: డికాక్‌ (సి) రోహిత్‌ (బి) బుమ్రా 10; రాహుల్‌ (నాటౌట్‌) 103; పాండే (సి) మెరిడిత్‌ (బి) పొలార్డ్‌ 22; స్టొయినిస్‌ (సి) తిలక్‌ (బి) సామ్స్‌ 0; కృనాల్‌ (సి) హృతిక్‌ (బి) పొలార్డ్‌ 1; హుడా (సి) బ్రెవిస్‌ (బి) మెరిడిత్‌ 10; బదోని (సి) పొలార్డ్‌ (బి) మెరిడిత్‌ 14; హోల్డర్‌ నాటౌట్‌ 0; ఎక్స్‌ట్రాలు 8; మొత్తం (20 ఓవర్లలో 6 వికెట్లకు) 168.
వికెట్ల పతనం: 1–27, 2–85, 3–102, 4–103, 5–121, 6–168.
బౌలింగ్‌: సామ్స్‌ 4–0–40–1, హృతిక్‌ 2–0–11–0, బుమ్రా 4–0–31–1, మెరిడిత్‌ 4–0–40–2, ఉనాద్కట్‌ 4–0–36–0, పొలార్డ్‌ 2–0–8–2.

ముంబై ఇండియన్స్‌ ఇన్నింగ్స్‌: ఇషాన్‌ (సి) హోల్డర్‌ (బి) బిష్ణోయ్‌ 8; రోహిత్‌ శర్మ (సి) సబ్‌–గౌతమ్‌ (బి) కృనాల్‌ 39; బ్రెవిస్‌ (సి) చమీర (బి) మోసిన్‌ 3; సూర్యకుమార్‌ (సి) రాహుల్‌ (బి) బదోని 7; తిలక్‌ (సి) బిష్ణోయ్‌ (బి) హోల్డర్‌ 38; పొలార్డ్‌ (సి) హుడా (బి) కృనాల్‌ 19; సామ్స్‌ (సి) బిష్ణోయ్‌ (బి) కృనాల్‌ 3; ఉనాద్కట్‌ (రనౌట్‌) 1; హృతిక్‌ (నాటౌట్‌) 0; బుమ్రా (నాటౌట్‌) 0; ఎక్స్‌ట్రాలు 14; మొత్తం (20 ఓవర్లలో 8 వికెట్లకు) 132.
వికెట్ల పతనం: 1–49, 2–54, 3–58, 4–67, 5–124, 6–131, 7–132, 8–132.

బౌలింగ్‌: మోసిన్‌ 4–0–27–1, చమీర 4–0–14–0, హోల్డర్‌ 4–0–36–1, కృనాల్‌ 4–0–19–3, రవి బిష్ణోయ్‌ 3–0–28–1, ఆయుశ్‌ బదోని 1–0–6–1.  

ఐపీఎల్‌లో నేడు
పంజాబ్‌ కింగ్స్‌ X చెన్నై సూపర్‌ కింగ్స్‌
వేదిక: ముంబై, రాత్రి గం. 7:30 నుంచి స్టార్‌ స్పోర్ట్స్‌–1లో ప్రత్యక్ష ప్రసారం.

Read latest Sports News and Telugu News | Follow us on FaceBook, Twitter, Telegram

మరిన్ని వార్తలు

09-05-2022
May 09, 2022, 07:31 IST
ముంబై: ఇది వరకే ప్లేఆఫ్స్‌కు దూరమైన చెన్నై సూపర్‌కింగ్స్‌... రేసులో ఉన్న ఢిల్లీ క్యాపిటల్స్‌ను దెబ్బకొట్టింది. ఆదివారం జరిగిన ఐపీఎల్‌...
09-05-2022
May 09, 2022, 05:49 IST
ముంబై: సన్‌రైజర్స్‌ హైదరాబాద్‌ ప్లే ఆఫ్స్‌ ఆశలు సంక్లిష్టమయ్యాయి. మిగిలున్న మ్యాచ్‌లు గెలవాల్సిన దశలో సన్‌రైజర్స్‌ చేతులెత్తేసింది. బ్యాటింగ్‌ లో...
08-05-2022
May 08, 2022, 22:52 IST
ఐపీఎల్ 2022 సీజ‌న్‌లో భాగంగా ఇవాళ (మే 8) ఢిల్లీ క్యాపిట‌ల్స్‌తో జరుగుతున్న మ్యాచ్‌లో సీఎస్‌కే ఓపెన‌ర్ డెవాన్ కాన్వే...
08-05-2022
May 08, 2022, 20:46 IST
ఐపీఎల్ 2022 సీజ‌న్‌లో భాగంగా ఇవాళ (మే 8) సన్‌రైజర్స్‌తో జ‌రిగిన మ్యాచ్‌లో రాయల్ ఛాలెంజర్స్ బెంగళూరు 67 పరుగుల...
08-05-2022
08-05-2022
May 08, 2022, 18:49 IST
IPL 2022 SRH Vs RCB: ఐపీఎల్‌-2022లో భాగంగా సన్‌రైజర్స్‌తో మ్యాచ్‌లో రాయల్‌ చాలెంజర్స్‌ బెంగళూరు వికెట్‌ కీపర్‌ బ్యాటర్‌...
08-05-2022
May 08, 2022, 18:40 IST
ఢిల్లీ క్యాపిట‌ల్స్ జ‌ట్టును క‌రోనా క‌ల‌క‌లం వెంటాడుతుండ‌గానే మ‌రో షాకింగ్ వార్త వెలుగులోకి వ‌చ్చింది. చెన్నై సూపర్ కింగ్స్‌తో ఇవాళ...
08-05-2022
May 08, 2022, 17:48 IST
ఢిల్లీ క్యాపిట‌ల్స్ స్టార్ ప్లేయ‌ర్ డేవిడ్ వార్న‌ర్‌పై టీమిండియా మాజీ ఓపెన‌ర్ వీరేంద్ర సెహ్వాగ్ షాకింగ్ కామెంట్స్ చేశాడు. అంద‌రూ...
08-05-2022
May 08, 2022, 17:21 IST
IPL 2022 SRH Vs RCB Jagadeesha Suchith Record: ఐపీఎల్‌-2022లో భాగంగా రాయల్‌ చాలెంజర్స్‌ బెంగళూరు(ఆర్సీబీ)తో మ్యాచ్‌లో సన్‌రైజర్స్‌ హైదరాబాద్‌...
08-05-2022
May 08, 2022, 16:55 IST
మ‌ద‌ర్స్ డే సంద‌ర్భంగా సన్‌రైజర్స్ హైదరాబాద్ ఓ ప్ర‌త్యేక వీడియోను సోష‌ల్‌మీడియాలో షేర్ చేసింది. ఈ వీడియోలో ఎస్ఆర్‌హెచ్ ఆట‌గాళ్లు...
08-05-2022
May 08, 2022, 16:28 IST
IPL 2022 SRH Vs RCB- Virat Kohli Golden Duck: ఐపీఎల్‌-2022లో భాగంగా సన్‌రైజర్స్‌ హైదరాబాద్‌తో మ్యాచ్‌లో ఆర్సీబీ...
08-05-2022
May 08, 2022, 15:08 IST
IPL 2022 SRH Vs RCB- Playing XI: ఐపీఎల్‌-2022లో భాగంగా రాయల్‌ చాలెంజర్స్‌తో మ్యాచ్‌లో సన్‌రైజర్స్‌ హైదరాబాద్‌ రెండు మార్పులతో...
08-05-2022
08-05-2022
May 08, 2022, 14:15 IST
PBKS Vs RR: ఇలాంటి బ్యాటింగ్‌ జట్టుకు భారం.. అయినా అతడు నాల్గో స్థానంలో ఎందుకు?
08-05-2022
May 08, 2022, 13:33 IST
ఐపీఎల్‌ 2022 సీజన్‌లో ఢిల్లీ క్యాపిటల్స్‌తో కరోనా ఆడుకుంటుంది. ఆదివారం(మే 8న) రాత్రి సీఎస్‌కేతో ఢిల్లీ మ్యాచ్‌ ఆడనుంది. అయితే మ్యాచ్‌కు ముందు...
08-05-2022
May 08, 2022, 13:00 IST
కేన్‌ విలియమ్సన్‌ ఆట తీరుపై అక్తర్‌ వ్యాఖ్యలు
08-05-2022
May 08, 2022, 11:18 IST
వెస్టిండీస్‌ స్టార్‌.. యునివర్సల్‌ బాస్‌ క్రిస్‌ గేల్‌ ఐపీఎల్‌పై సంచలన వ్యాఖ్యలు చేశాడు. ఈ సీజన్‌కు గేల్‌ దూరంగా ఉన్న...
08-05-2022
May 08, 2022, 10:41 IST
రాజస్తాన్‌ రాయల్స్‌ స్టార్‌ ఆటగాడు షిమ్రోన్‌ హెట్‌మైర్‌ జట్టను వీడాడు. వ్యక్తిగత కారణాల రిత్యా హెట్‌మైర్‌ స్వదేశానికి వెళ్లాడని.. వచ్చే...
08-05-2022
May 08, 2022, 10:07 IST
ఐపీఎల్-2022 లో భాగంగా రాజస్తాన్‌ రాయల్స్‌ ఆటగాడు యశస్వి జైశ్వాల్‌(41 బంతుల్లో 68, 9 ఫోర్లు, 2 సిక్సర్లు) తన విలువేంటో...
08-05-2022
May 08, 2022, 08:16 IST
ఐపీఎల్‌ 2022లో భాగంగా శనివారం కేకేఆర్‌, లక్నో సూపర్‌ జెయింట్స్‌ మధ్య మ్యాచ్‌ జరిగిన సంగతి తెలిసింది. మ్యాచ్‌లో కేకేఆర్‌కు...



 

Read also in:
Back to Top