IPL 2022 Finals Winner: గుజరాత్‌ గుబాళింపు.. అరంగేట్రంలోనే విజేతగా నిలిచి

IPL 2022: Gujarat Titans Beat Rajasthan Royals By 7 Wickets To Win IPL Title - Sakshi

ఐపీఎల్‌ చాంపియన్‌గా గుజరాత్‌ టైటాన్స్‌  

తొలి ప్రయత్నంలోనే విజేతగా నిలిచిన ఘనత

ఫైనల్లో 7 వికెట్లతో రాజస్తాన్‌పై ఘన విజయం 

హార్దిక్‌ పాండ్యా ఆల్‌రౌండ్‌ ప్రదర్శన

మార్చి 28, 2022... ఐపీఎల్‌లో గుజరాత్‌ టైటాన్స్‌ మొదటి మ్యాచ్‌... షమీ వేసిన తొలి బంతికే లక్నో సూపర్‌ జెయింట్స్‌ కెప్టెన్‌ కేఎల్‌ రాహుల్‌ అవుట్‌! అలా అద్భుతంగా మొదలైన ప్రయాణం రెండు నెలల తర్వాత చాంపియన్‌గా నిలిచే వరకు సాగింది. కొత్త జట్టుగా ఎలాంటి అంచనాలు లేకుండా బరిలోకి దిగిన గుజరాత్‌ అన్ని రంగాల్లో విశేషంగా రాణించి టైటిల్‌ను చేజిక్కించుకుంది. గ్రూప్‌ టాపర్‌గా నిలవడమే కాకుండా రెండు నాకౌట్‌ మ్యాచ్‌లలోనూ తమ బలాన్ని ప్రదర్శించింది.

ఫలితంగా 15 ఏళ్ల లీగ్‌ చరిత్రలో మరో కొత్త జట్టు ఖాతాలో ట్రోఫీ చేరింది. గత ఫైనల్‌ మ్యాచ్‌లకు భిన్నంగా పూర్తి ఏకపక్షంగా సాగిన పోరులో రాజస్తాన్‌ రాయల్స్‌ చేతులెత్తేసింది. పేలవ బ్యాటింగ్‌తో తక్కువ స్కోరుకే పరిమితమైన జట్టు కనీసం పోరాడేందుకు కూడా అవకాశం లేకుండా పోయింది. ఛేదనలో ఎలాంటి తడబాటు లేకుండా దూసుకుపోయిన గుజరాత్‌ సొంతగడ్డ అహ్మదాబాద్‌లో చిరస్మరణీయ విజయాన్ని లిఖించింది.

అహ్మదాబాద్‌: 19వ ఓవర్‌ తొలి బంతి... మెక్‌కాయ్‌ బౌలింగ్‌లో బంతిని డీప్‌స్క్వేర్‌ లెగ్‌ దిశగా శుబ్‌మన్‌ గిల్‌ సిక్సర్‌ బాదాడు...అంతే! ప్రపంచంలోని అతి పెద్ద క్రికెట్‌ మైదానం నరేంద్ర మోదీ స్టేడియంలో ఫైనల్‌కు హాజరైన 1,04,859 మందితో మైదానమంతా హోరెత్తగా, గుజరాత్‌ ఆటగాళ్లంతా సంబరాల్లో మునిగిపోయారు. ఆదివారం జరిగిన ఐపీఎల్‌ 15వ సీజన్‌ ఫైనల్లో 7 వికెట్ల తేడాతో రాజస్తాన్‌ రాయల్స్‌ను ఓడించి గుజరాత్‌ టైటాన్స్‌ ఐపీఎల్‌–2022 విజేతగా నిలిచింది.

టాస్‌ గెలిచి ముందుగా బ్యాటింగ్‌కు దిగిన రాజస్తాన్‌ రాయల్స్‌ 20 ఓవర్లలో 9 వికెట్ల నష్టానికి 130 పరుగులు చేసింది. జోస్‌ బట్లర్‌ (35 బంతుల్లో 39; 5 ఫోర్లు) టాప్‌ స్కోరర్‌గా నిలవగా,  ‘ప్లేయర్‌ ఆఫ్‌ ద ఫైనల్‌ మ్యాచ్‌’ హార్దిక్‌ పాండ్యా (3/17) మూడు ప్రధాన వికెట్లతో ప్రత్యర్థి వెన్నువిరిచాడు. అనంతరం గుజరాత్‌ 18.1 ఓవర్లలో 3 వికెట్లకు 133 పరుగులు చేసి గెలిచింది. శుబ్‌మన్‌ గిల్‌ (43 బంతుల్లో 45 నాటౌట్‌; 3 ఫోర్లు, 1 సిక్స్‌), హార్దిక్‌ పాండ్యా (30 బంతుల్లో 34; 3 ఫోర్లు, 1 సిక్స్‌), డేవిడ్‌ మిల్లర్‌ (19 బంతుల్లో 32 నాటౌట్‌; 3 ఫోర్లు, 1 సిక్స్‌) రాణించారు.  

సమష్టి వైఫల్యం...
ఫైనల్‌కు ముందు 824 పరుగులు... అద్భుత ప్రదర్శనతో బట్లర్‌ ఒంటిచేత్తో రాజస్తాన్‌ను ఇక్కడి వరకు తీసుకొచ్చాడు. తుది పోరులో కూడా అతను చెలరేగితేనే గెలిచే అవకాశాలు ఉండగా... బట్లర్‌ను కట్టడి చేయడంలో టైటాన్స్‌ సఫలమైంది. గత మ్యాచ్‌ వరకు 45 సిక్సర్లు కొట్టిన అతను ఈ మ్యాచ్‌లో ఒక్క సిక్స్‌ కూడా కొట్టలేకపోగా, దాదాపు చివరి వరకు అతని స్ట్రయిక్‌రేట్‌ వంద పరుగులు దాటలేదు. గుజరాత్‌ పదునైన బౌలింగ్‌ ముందు ఇతర బ్యాటర్లు కూడా విఫలం కావడంతో రాజస్తాన్‌ ఇన్నింగ్స్‌ పేలవంగా ముగిసింది.

యశస్వి జైస్వాల్‌ (16 బంతుల్లో 22; 1 ఫోర్, 2 సిక్స్‌లు), దేవ్‌దత్‌ పడిక్కల్‌ (10 బంతుల్లో 2) ఖాతా తెరిచేందుకే చెరో ఎనిమిది బంతులు తీసుకోగా... మధ్యలో వరుసగా 28 బంతుల పాటు బౌండరీ రాలేదంటే పరిస్థితి అర్థమవుతుంది. కెప్టెన్‌ సంజు సామ్సన్‌ (11 బంతుల్లో 14; 2 ఫోర్లు) బాధ్యతాయుతంగా ఆడటంలో విఫలమయ్యాడు. టీమ్‌లో ఉన్న మరో హిట్టర్‌ హెట్‌మైర్‌ (12 బంతుల్లో 11; 2 ఫోర్లు) కూడా ప్రభావం చూపలేకపోవడంతో రాయల్స్‌ చేసేందుకు ఏమీ లేకపోయింది. 13వ ఓవర్‌ తొలి బంతికి బట్లర్‌ అవుట్‌ కావడంతో రాజస్తాన్‌ భారీ స్కోరు ఆశలు ముగిసిపోయాయి.  

ఆడుతూ పాడుతూ...
ఛేదనలో గుజరాత్‌కు ఎలాంటి సమస్యా రాలేదు. వృద్ధిమాన్‌ సాహా (7 బంతుల్లో 5; 1 ఫోర్‌), మాథ్యూ వేడ్‌ (10 బంతుల్లో 8; 1 సిక్స్‌) విఫలమైనా... గిల్, హార్దిక్‌ భాగస్వామ్యం జట్టును విజయం దిశగా నడిపించింది. రాజస్తాన్‌ బౌలర్లు వీరిద్దరిని ఇబ్బంది పెట్టలేకపోయారు. ప్రశాంతంగా ఆడిన గిల్, హార్దిక్‌ మూడో వికెట్‌కు 53 బంతుల్లో 63 పరుగులు జోడించారు. హార్దిక్‌ను చహల్‌ అవుట్‌ చేసినా... లక్ష్యం మరీ చిన్నది కావడంతో గుజరాత్‌ సునాయాసంగా గెలుపువైపు దూసుకుపోయింది. శుబ్‌మన్‌ గిల్, డేవిడ్‌ మిల్లర్‌ నాలుగో వికెట్‌కు 29 బంతుల్లో 47 పరుగులు జోడించి విజయాన్ని అందించారు.

స్కోరు వివరాలు
రాజస్తాన్‌ రాయల్స్‌ ఇన్నింగ్స్‌: యశస్వి (సి) సాయికిషోర్‌ (బి) యశ్‌ 22; బట్లర్‌ (సి) సాహా (బి) హార్దిక్‌ 39; సామ్సన్‌ (సి) సాయికిషోర్‌ (బి) హార్దిక్‌ 14; పడిక్కల్‌ (సి) షమీ (బి) రషీద్‌ 2; హెట్‌మైర్‌ (సి అండ్‌ బి) హార్దిక్‌ 11; అశ్విన్‌ (సి) మిల్లర్‌ (బి) సాయికిషోర్‌ 6; పరాగ్‌ (బి) షమీ 15; బౌల్ట్‌ (సి) తెవాటియా (బి) సాయికిషోర్‌ 11; మెక్‌కాయ్‌ (రనౌట్‌) 8; ప్రసిధ్‌ (నాటౌట్‌) 0; ఎక్స్‌ట్రాలు 2; మొత్తం (20 ఓవర్లలో 9 వికెట్లకు) 130.
వికెట్ల పతనం: 1–31, 2–60, 3–79, 4–79, 5–94, 6–98, 7–112, 8–130, 9–130.
బౌలింగ్‌: షమీ 4–0–33–1, యశ్‌ దయాళ్‌ 3–0–18–1, ఫెర్గూసన్‌ 3–0–22–0, రషీద్‌ ఖాన్‌ 4–0–18–1, హార్దిక్‌ పాండ్యా 4–0–17–3, సాయికిషోర్‌ 2–0–20–2.  

గుజరాత్‌ టైటాన్స్‌ ఇన్నింగ్స్‌: సాహా (బి) ప్రసిధ్‌ 5; గిల్‌ (నాటౌట్‌) 45; వేడ్‌ (సి) పరాగ్‌ (బి) బౌల్ట్‌ 8; హార్దిక్‌ (సి) యశస్వి (బి) చహల్‌ 34; మిల్లర్‌ (నాటౌట్‌) 32; ఎక్స్‌ట్రాలు 9; మొత్తం (18.1 ఓవర్లలో 3 వికెట్లకు) 133.
వికెట్ల పతనం: 1–9, 2–23, 3–86,
బౌలింగ్‌: బౌల్ట్‌ 4–1–14–1, ప్రసిధ్‌ కృష్ణ 4–0–40–1, చహల్‌ 4–0–20–1, మెక్‌కాయ్‌ 3.1–0–26–0, అశ్విన్‌ 3–0–32–0.

Read latest Sports News and Telugu News | Follow us on FaceBook, Twitter, Telegram

మరిన్ని వార్తలు

30-05-2022
May 30, 2022, 08:09 IST
‘విజయం అయితే మీది... ఓటమి ఎదురైతే అది నాది’... ఐపీఎల్‌లో తొలిసారి బరిలోకి దిగిన గుజరాత్‌ టైటాన్స్‌ టీమ్‌ జెర్సీ...
29-05-2022
May 29, 2022, 23:46 IST
ఐపీఎల్‌ 15వ సీజన్‌ చాంపియన్స్‌గా గుజరాత్‌ టైటాన్స్‌ ►ఐపీఎల్‌ 2022 సీజన్‌ చాంపియన్స్‌గా గుజరాత్‌ టైటాన్స్‌ నిలిచింది. 131 పరుగుల లక్ష్యంతో...
29-05-2022
May 29, 2022, 23:38 IST
రాజస్తాన్‌ రాయల్స్‌ స్టార్‌ స్పిన్నర్‌ యజ్వేంద్ర చహల్‌ ఐపీఎల్‌లో కొత్త చరిత్ర సృష్టించాడు. ఒక ఐపీఎ్‌ సీజన్‌లో స్పిన్నర్‌గా అత్యధిక వికెట్లు...
29-05-2022
May 29, 2022, 23:10 IST
రాజస్తాన్‌ రాయల్స్‌ ఆటగాడు రియాన్‌ పరాగ్‌ ఐపీఎల్‌లో అరుదైన ఫీట్‌ సాధించాడు.  ఈ సీజన్‌లో బ్యాటింగ్‌లో పెద్దగా మెరవనప్పటికి పరాగ్‌...
29-05-2022
May 29, 2022, 22:20 IST
ఐపీఎల్‌ 2022 సీజన్‌లో రాజస్తాన్‌ ఓపెనర్‌ జాస్‌ బట్లర్‌ సూపర్‌ ఫామ్‌లో ఉన్న సంగతి తెలిసిందే. రాజస్తాన్‌ రాయల్స్‌ ఫైనల్‌...
29-05-2022
May 29, 2022, 21:11 IST
గుజరాత్ టైటాన్స్, రాజస్థాన్ రాయల్స్ మధ్య ఫైనల్‌ మ్యాచ్‌ సందర్భంగా ప్రపంచంలోనే అతిపెద్ద జెర్సీని ఐపీఎల్‌ నిర్వహకులు రూపొందించారు. తద్వారా...
29-05-2022
May 29, 2022, 20:48 IST
ఐపీఎల్‌ 2022 సీజన్‌ ఫైనల్‌ మ్యాచ్‌ గుజరాత్‌ టైటాన్స్‌, రాజస్తాన్‌ రాయల్స్‌ మధ్య ఫైనల్‌ పోరుకు తెర లేచింది. టాస్‌...
29-05-2022
May 29, 2022, 19:51 IST
ఐపీఎల్‌-2022లో రాయల్‌ ఛాలంజెర్స్‌ బెంగళూరు ప్లే ఆఫ్స్‌లో ఇంటిముఖం పట్టిన సంగతి తెలిసిందే. అయితే ఈ ఏడాది సీజన్‌లో ఫాఫ్‌...
29-05-2022
May 29, 2022, 18:46 IST
రెండు నెలల పాటు క్రికెట్‌ అభిమానులను అలరించిన ఐపీఎల్‌ 2022 సీజన్‌కు నేటితో తెరపడనుంది. రాజస్తాన్‌ రాయల్స్‌, గుజరాత్‌ టైటాన్స్‌...
29-05-2022
May 29, 2022, 17:16 IST
రాజస్తాన్‌ రాయల్స్ ఆల్‌రౌండర్‌ రియాన్‌ పరాగ్‌పై ఆ జట్టు బౌలింగ్‌ కోచ్‌, శ్రీలంక లెజెండ్‌ లసిత్‌ మలింగ ప్రశంసల వర్షం...
29-05-2022
May 29, 2022, 16:37 IST
ఐపీఎల్‌-2022 ఫైనల్‌ పోరులో గుజరాత్ టైటాన్స్, రాజస్థాన్ రాయల్స్ అమీతుమీ తెల్చుకోవడానికి సిద్దమయ్యాయి. మే 29న అహ్మదాబాద్‌లోని నరేంద్ర మోదీ...
29-05-2022
May 29, 2022, 15:35 IST
టీమిండియా యవ బౌలర్‌, లక్నో సూపర్‌ జెయింట్స్‌ స్పిన్నర్‌ రవి బిష్ణోయ్‌పై గుజరాత్‌ టైటాన్స్‌ స్టార్ స్పిన్నర్‌  రషీద్ ఖాన్...
29-05-2022
May 29, 2022, 14:50 IST
ఐపీఎల్‌-2022 తుది సమరానికి రంగం సిద్దమైంది. ఫైనల్‌ పోరులో అహ్మదాబాద్‌ వేదికగా ఆదివారం గుజరాత్‌ టైటాన్స్‌, రాజస్తాన్‌ రాయల్స్‌ తలపడనున్నాయి....
29-05-2022
May 29, 2022, 14:48 IST
కోహ్లి రికార్డు బద్దలు కొట్టేందుకు సిద్ధమవుతున్న జోస్‌ బట్లర్‌!
29-05-2022
May 29, 2022, 12:58 IST
IPL 2022 Final GT Vs RR: ఐపీఎల్‌-2022 మెగా ఫైనల్‌ నేపథ్యంలో గుజరాత్‌ టైటాన్స్‌కు టీమిండియా మాజీ క్రికెటర్‌...
29-05-2022
May 29, 2022, 11:12 IST
IPL 2022 Final GT Vs RR- Winner Prediction: ఆస్ట్రేలియా క్రికెట​ దిగ్గజం, దివంగత షేన్‌ వార్న్‌ కోసమైనా...
29-05-2022
May 29, 2022, 09:09 IST
ఫైనల్లోనూ టాస్‌ కీలకం.. గెలిచిన జట్టు బ్యాటింగా? ఫీల్డింగా?
29-05-2022
May 29, 2022, 08:11 IST
ఆరెంజ్‌ క్యాప్‌ వాళ్లదే.. మరి పర్పుల్‌ క్యాప్‌?
29-05-2022
May 29, 2022, 04:32 IST
టోర్నీలో అడుగు పెట్టిన తొలిసారే ఫైనల్‌ చేరిన జట్టు ఒకవైపు... తొలి టోర్నీలో విజేత గా నిలిచిన 14 ఏళ్లకు...
28-05-2022
May 28, 2022, 20:25 IST
ఐపీఎల్‌-2022లో రాయల్ ఛాలెంజర్స్ బెంగళూరు ప్రయాణం ముగిసింది. శుక్రవారం జరగిన క్వాలిఫయర్‌-2లో రాజస్తాన్‌ రాయల్స్‌ చేతిలో ఓటమి చెంది టోర్నీ...



 

Read also in:
Back to Top