మా ఇంట్లో ఓట్లు అమ్మబడవు

Jan 31 2026 9:32 AM | Updated on Jan 31 2026 9:32 AM

మిరుదొడ్డి(దుబ్బాక): మంజీరా యూత్‌ అసోసియేషన్‌ ఆధ్వర్యంలో 7, 8వ తేదీలలో ఉమ్మడి మెదక్‌ జిల్లాస్థాయి ఇన్విటేషన్‌ వాలీబాల్‌ టోర్నమెంట్‌ నిర్వహించనున్నట్లు అసోసియేషన్‌ అధ్యక్షుడు గొట్టం భైరయ్య తెలిపారు. మిరుదొడ్డిలో శుక్రవారం ఆయన విలేకరులతో మాట్లాడుతూ టోర్నీలో పాల్గొనే క్రీడాకారులు తప్పకుండా ఆధార్‌కార్డులను వెంట తెచ్చుకోవాలన్నారు. 6వ తేదీ సాయంత్రం 5లోగా పేర్లు నమోదు చేయించుకోవాలని కోరారు. మరిన్ని వివరాలకు 99086 93599, 96663 54335, 95735 95585, 99893 79937 నంబర్లలో సంప్రదించాలని సూచించారు.

గజ్వేల్‌: మున్సిపల్‌ ఎన్నికల వేళ.. సిద్దిపేట జిల్లా గజ్వేల్‌–ప్రజ్ఞాపూర్‌ మున్సిపాలిటీ పరిధిలోని సుంకరి బాల్‌కుమార్‌ ఇంటి గేటుకు శుక్రవారం ‘మా ఇంట్లో ఓట్లు అమ్మబడవు అని ఫ్లెక్సీ ఏర్పాటు చేశారు. ఈ అంశం పట్టణంలో చర్చనీయాంశంగా మారింది. ఓటు ప్రాధాన్యతను చాటి చెప్పాలనే సంకల్పంతోనే ఫ్లెక్సీని ఏర్పాటు చేసినట్లు బాల్‌కుమార్‌ తెలిపారు.

మిరుదొడ్డిలో వాలీబాల్‌ టోర్నీ

చిన్నారిపై పిచ్చికుక్క దాడి

చిన్నశంకరంపేట(మెదక్‌): నార్సింగి మండలం శంఖాపూర్‌ తండాలో చిన్నారిపై వీఽధి కుక్కలు దాడి చేయడంతో తీవ్రంగా గాయపడ్డాడు. శుక్రవారం తండాకు చెందిన దీపేందర్‌సింగ్‌ కుమారుడు అమన్‌ దీప్‌సింగ్‌ (3) ఇంటి ఎదుట ఆడుకుంటుండగా కుక్క దాడి చేసింది. దీంతో బాలుడికి తీవ్రగాయాలు కాగా కుటుంబ సభ్యులు వెంటనే రామాయంపేట ప్రభుత్వ ఆస్పత్రికి తరలించారు. తండాలో కుక్కల స్వైర విహారం చేస్తున్నాయని తండా వాసులు వాపోయారు.