ఇదేంది సర్‌ !

● ఇది సిరిసిల్ల పట్టణంలోని పెద్దబజారు హనుమాన్‌ ఆలయం. 28వ వార్డుకు సంబంధించిన ఓటర్లకు నోటీసులు జారీచేయడంతో ఆధారాలతో వచ్చి ఇలా ఆన్‌లైన్‌లో లైవ్‌ ఫొటోలు దిగుతున్నారు. లైవ్‌ ఫొటో దిగేటప్పుడు కంటిరెప్పలను ఆడించాలి. అలా కంటి రెప్పలను ఆడిస్తేనే ఓటరుగా జీవించి ఉన్నట్లుగా స్పష్టమవుతుంది. నోటీసులు అందుకున్న ఓటర్లు విధిగా 12 గుర్తింపు పత్రాల్లో ఏదైనా ఒక్కటి జతచేసి అందించి, సంతకం చేయాలి. అలా చేస్తేనే ఓటు హక్కు లభిస్తుంది. ● ఇది సిరిసిల్లలోని పెద్దబజారులోని మరో బూత్‌ లెవల్‌ ఆఫీసర్‌(బీఎల్‌వో), బూత్‌ లెవల్‌ ఏజెంట్‌(బీఎల్‌ఏ) శిబిరం. ఈ అధికారికి 1,140 ఓటర్ల జాబితా ఇవ్వగా.. ఇందులో 285 మంది ఓటర్లకు నోటీసులు జారీచేశారు. మరో 300 మంది ఓటర్ల చిరునామాలు గల్లంతయ్యాయి. ఇందులోనే కొందరు మృతులు ఉన్నారు. అడ్రస్‌ లేని వారికి నోటీసులు జారీ చేయలేక.. చనిపోయిన వారిని గుర్తించి నమోదుచేస్తూ ఓటర్ల జాబితా, నోటీసులతో ఇలా కుస్తీలు పడుతున్నారు.

అక్షర దోషాలకు బాధ్యులెవరూ ? వివిధ కారణాలతో 83,846 మందికి నోటీసులు ఇప్పటికే 70,952 మందికి జారీ పెండింగ్‌లో 12,894 నోటీసులు