ఉపాధ్యాయుడిపై దాడి కేసులో ఇద్దరికి జరిమానా
పిడుగురాళ్ల: ప్రభుత్వ పాఠశాలలో పనిచేస్తున్న ఉపాధ్యాయుడిపై దాడి చేసిన కేసులో ఇద్దరు నిందితులకు జరిమానా విధిస్తూ పిడుగురాళ్ల పట్టణ జూనియర్ సివిల్ కోర్టు న్యాయమూర్తి టి.ప్రవల్లిక తీర్పు చెప్పారు. సీఐ శ్రీరాం వెంకట్రావు తెలిపిన వివరాలు.. పిడుగురాళ్ల పట్టణం నెమలిరెడ్డి బజారులో చదలవాడ రమేష్, ఆయన భార్య రాజేశ్వరి జీవిస్తున్నారు. పట్టణంలోని ఓ ప్రభుత్వ పాఠశాలలో రమేష్ ఉపాధ్యాయుడిగా పనిచేస్తున్నారు. 2022 మార్చి 14వ తేదీ మధ్యాహ్న సమయంలో టాబెట్ల కోసం ఇంటికి వచ్చాడు. తలుపు తట్టగా భార్య రాజేశ్వరి కొంత సమయం తర్వాత వచ్చి తలుపు తీసింది. రమేష్ వాష్రూమ్కు వెళ్లి వచ్చేసరికి గాదె తిరపతయ్య అలియాస్ గోపి హాలులో రాజేశ్వరితో చనువుగా మాట్లాడటం రమేష్ గమనించారు. వెంటనే నిలదీయగా గోపి పక్కనే ఉన్న కర్రతో రమేష్పై దాడి చేశాడు. రమేష్ చేతికి దెబ్బ తగిలింది. ఈ విషయమై ఆయన పట్టణ పోలీసుస్టేషన్లో ఫిర్యాదు చేశారు. ఎస్ఐ పవన్కుమార్ కేసు నమోదు చేసి సాక్ష్యాధారాలను కోర్టుకు సమర్పించారు. నేరం రుజువు కావడంతో చదలవాడ రాజేశ్వరి, గాదె తిరుపతయ్యలకు న్యాయమూర్తి ఒక్కొక్కరికి రూ.2 వేల చొప్పున జరిమానా విధించారు. జరిమానా చెల్లించని పక్షంలో నెల రోజులపాటు జైలు శిక్ష అనుభవించేలా తీర్పును వెలువరించినట్లు సీఐ శ్రీరాం వెంకట్రావు తెలిపారు.


