TV
నేడు, రేపు, 29, 30 తేదీల్లో ఏర్పాటు 17 ఏళ్లకే ఓటు హక్కు దరఖాస్తుకు అవకాశం జిల్లాలో వేలాది మందికి ఉపయోగకరం
సత్తెనపల్లి: ప్రజాస్వామ్యంలో ఓటు హక్కు ఎంతో కీలకం. ఆ ఓటు హక్కు ద్వారానే సమర్థులైన ప్రజాప్రతినిధులను ఎన్నుకునే అవకాశం భారత ఎన్నికల సంఘం కల్పిస్తోంది. భారత ఎన్నికల సంఘం ఆదేశాల మేరకు ప్రత్యేక సమగ్ర సవరణ (ఎస్ఐఆర్) ప్రక్రియలో భాగంగా ఓటరు జాబితాలో అర్హులైన ప్రతి ఒక్కరి పేర్లను నమోదు చేయడంతో పాటు, ఓటరు జాబితాలోని వివరాలను సరిచేసేందుకు ఈ నెల 22, 23, 29, 30 తేదీల్లో ప్రత్యేక ఓటరు నమోదు శిబిరాలు నిర్వహించనున్నట్లు ప్రకటించింది. ఓటు హక్కు రావాలంటే 18 ఏళ్లు నిండాలి. అందుకోసం ఇప్పటివరకు ఎన్నికల సంఘం (ఈసీ) అనుమతి కోసం యువత వేచి చూడాల్సి వచ్చేది. తాజా నిబంధనల ప్రకారం 17 ఏళ్లు నిండగానే వారు ఓటు హక్కు కోసం దరఖాస్తు చేసుకునే వెసులుబాటును ఈసీ కల్పించింది. ముందుగా దరఖాస్తు చేసుకున్నప్పటికీ, 18 ఏళ్లు పూర్తిగా నిండిన తర్వాతే తుది ఓటరు జాబితాలో పేరు నమోదు కావడంతో పాటు ఓటు హక్కు లభిస్తోంది. జిల్లాలో వేలాది మంది యువతకు ఓటు హక్కు అవకాశం దక్కనుంది. యువత ఓటర్లుగా నమోదయ్యేందుకు ఈసీ ఏడాదిలో నాలుగు తేదీల్లో మాత్రమే వీలు కల్పించింది. ఆ మేరకు జనవరి 1, ఏప్రిల్ 1, జూలై 1, అక్టోబర్ 1 తేదీల్లో ఫారం–6 ద్వారా ముందస్తుగా దరఖాస్తు చేసుకోవచ్చు.
దరఖాస్తుల వివరాలు..
