అయోడిన్‌ లోపంతో రుగ్మతలు

నున్న(విజయవాడరూరల్‌):అయోడిన్‌ శరీర ఎదుగుదలకు, మెదడు అభివృద్ధికి, మానసిక సామర్థ్యానికి, నేర్చుకునే నైపుణ్యాలకు ఎంతో అవసరమని ఎన్టీఆర్‌ జిల్లా వైద్య ఆరోగ్యశాఖాధికారి డాక్టర్‌ ఎ. శ్రావణ్‌బాబు అన్నారు. జాతీయ అయోడిన్‌ లోప రుగ్మతల నివారణ కార్యక్రమంలో భాగంగా గురువారం నగరంలోని ఓ పాఠశాలలో అవగాహన కార్యక్రమం నిర్వహించారు. డాక్టర్‌ ఎ. శ్రావణ్‌బాబు విద్యార్థులకు అయోడిన్‌ ప్రాముఖ్యతను వివరించి, అయోడిన్‌ కలిగిన ఉప్పు వినియోగంపై అవగాహన కల్పించారు. కార్యక్రమంలో ఆర్బీఎస్‌కే వైద్యాధికారి డాక్టర్‌ మాధవీనాయుడు, ఇతర వైద్య సిబ్బంది పాల్గొన్నారు.