నిర్మల్‌ గడ్డపైనే స్వరాష్ట్ర కాంక్ష

నిర్మల్‌

అబుల్‌ కలాం ఆజాద్‌కు నివాళి

స్వాతంత్య్ర సమరయోధుడు, తొలి విద్యాశాఖమంత్రి అబుల్‌ కలాం ఆజాద్‌ జయంతిని ఘనంగా నిర్వహించారు. ఆయన చిత్రపటానికి పూలమాలలు వేసి నివాళులర్పించారు.

ట్రిపుల్‌ఐటీలో నీటి సమస్యపై దృష్టి

బాసర ట్రిపుల్‌ఐటీలో నెలకొన్న నీటి సమస్యపై కలెక్టర్‌ భవేశ్‌ మిశ్రా దృష్టి సారించారు. విద్యార్థులకు సురక్షిత తాగునీటిని అందించాలని వర్సిటీ అధికారులను ఆదేశించారు.

క్రీడాకారుడికి ఎమ్మెల్యే సాయం

పెంబి: స్పీడ్‌ హ్యాండ్‌బాల్‌ క్రీడలో పత్రిభ కనబరిచి అంతర్జాతీయ స్థాయి పోటీలకు ఎంపికై న మండలంలోని రాయదారి గ్రామానికి చెందిన గిరిజన క్రీడారుడు జాదవ్‌ వినోద్‌ను ఖానా పూర్‌ ఎమ్మెల్యే వెడ్మ బొజ్జు పటేల్‌ బుధవారం అభినందించారు. రూ.20వేల ఆర్థికసాయం అందించారు. బిహార్‌లో నిర్వహించిన పోటీల్లో వినోద్‌ రాష్ట్రం తరఫున ఆడాడు. ప్రతిభ కనబరిచి నాలుగో ర్యాంక్‌ సాధించి నేపాల్‌లో నిర్వహించనున్న అంతర్జాతీయ స్థాయి పోటీలకు ఎంపికయ్యాడు. కాగా, వినోద్‌ అంతర్జాతీయ పోటీల్లో రాణించి రాష్ట్రానికి మంచి పేరు తేవాలని ఎమ్మెల్యే ఆకాంక్షించారు.

నిర్మల్‌/నిర్మల్‌టౌన్‌: ‘నిర్మల్‌ మాములు జిల్లా కాదు.. చదువులతల్లి సరస్వతీదేవి కొలువున్న పుణ్యభూమి. ప్రపంచ ప్రసిద్ధికెక్కిన పెయింటింగ్స్‌, కొయ్యబొమ్మలను తయారు చేసే కళాకారులతో వర్ధిల్లే ధన్యభూమి. ఈ చారిత్రక నేలకు కేసీఆర్‌ నేతృత్వంలో జరిగిన స్వరాష్ట్ర పోరాటానికి అవినాభావ సంబంధం ఉంది..’ అంటూ బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ జిల్లాతో కేసీఆర్‌కు, తెలంగాణ పోరాటానికి ఉన్న అనుబంధాన్ని వివరించారు. జిల్లా కేంద్రంలోని ఎన్టీఆర్‌ మినీస్టేడియంలో బుధవారం సాయంత్రం నిర్వహించిన రైతుగర్జన సభలో ఆయన మాట్లాడారు. ‘సరిగ్గా 30 ఏళ్ల క్రితం 1996లో నిర్మల్‌ నియోజకవర్గానికి ఉప ఎన్నిక వచ్చింది. అప్పుడు మంత్రిగా ఉన్న కేసీఆర్‌ ఉపఎన్నిక ఇన్‌చార్జిగా నిర్మల్‌కు వచ్చారు. ఆ సమయంలో కొందరు సన్నిహితులతో సమీపంలోని పోచంపాడ్‌ శ్రీరాంసాగర్‌ ప్రాజెక్టుకు వెళ్లారు. అక్కడ గేట్లకు గ్రీస్‌ లేదు, ఆయిలింగ్‌ లేదు, చిలుము పట్టి అనాథగా మారినట్లున్న ఆ ప్రాజెక్టును చూసి చలించిపోయారు. తనకు భగవంతుడు శక్తినిస్తే తెలంగాణ కోసం పోరాడుతానని, ఈ ప్రాజెక్టులతో మన ప్రాంతానికి మంచిరోజులు తీసుకువస్తానని ఇదే గడ్డపై కంకణం కట్టుకున్నారు..’ అని గుర్తుచేశారు. ఇక్కడి ప్రాంతంతో ఉన్న అనుబంధం, అభివృద్ధి చేయాలన్న తపనతోనే నిర్మల్‌ జిల్లాను ఏర్పాటు చేశారని, మెడికల్‌ కాలేజీనీ ఇచ్చారని చెప్పారు. మిషన్‌ కాకతీయ ద్వారా జిల్లాలోనూ ఎన్నో చెరువుల్లో పూడిక తీయించి మహర్దశ పట్టించారన్నారు. చుట్టూ ప్రాజెక్టులు, చెరువులు ఉంటే నిర్మల్‌ ప్రాంతానికి ఎందుకు కరువు వచ్చిందో ఇక్కడి రైతులే ఆలోచించాలని అన్నారు.

సభ సక్సెస్‌.. బీఆర్‌ఎస్‌లో జోష్‌

అసెంబ్లీ ఎన్నికల తర్వాత ఆ స్థాయిలో గులాబీ శ్రేణుల్లో రైతుగర్జన సభ జోష్‌ నింపింది. జిల్లాలోని మూడు నియోజకవర్గాలతో పాటు పక్కనున్న బా ల్కొండ, బోథ్‌, ఆదిలాబాద్‌, మెట్‌పల్లి నియోజకవర్గాల నుంచీ భారీగా బీఆర్‌ఎస్‌ శ్రేణులు తరలివచ్చాయి. ఎన్టీఆర్‌ మినీస్టేడియం మొత్తం నిండిపోవడంతోపాటు రోడ్లపైనా బారులుదీరారు. ఇందులో చాలామంది మహిళలు, రైతులు ఉండటంపై పార్టీ నేతలు సంతృప్తి వ్యక్తంచేశారు. నిర్మల్‌ నియోజవర్గ ఇన్‌చార్జి కొరిపెల్లి రాంకిషన్‌రెడ్డి అధ్యక్షత వహించగా, ఇటీవల పార్టీలో చేరిన నల్ల వినయ్‌రెడ్డిని కేటీఆర్‌ పరిచయం చేశారు. సభలో ముందుగా రాంకిషన్‌రెడ్డి, ఖానాపూర్‌ నియోజవర్గ ఇన్‌చార్జి జాన్సన్‌నాయక్‌, బోథ్‌ ఎమ్మెల్యే అనిల్‌జాదవ్‌ మాట్లాడారు. ఉమ్మడి ఆదిలాబాద్‌, నిజామాబాద్‌, జగిత్యాల జి ల్లాల నుంచి ఎమ్మెల్యేలు, మాజీమంత్రులు, మాజీ ఎమ్మెల్యేలు వచ్చినా వారెవరూ మాట్లాడలేదు. ము ధోల్‌ నేతల పేర్లను కేటీఆర్‌ పలికినప్పటికీ వారికి మాట్లాడే అవకాశం ఇవ్వలేదు. తన ప్రసంగంలో కేటీఆర్‌ స్థానిక ఎమ్మెల్యే మహేశ్వర్‌రెడ్డిపై విమర్శలు చేశారు. గతంలో పార్టీ వైభవాన్ని పేర్కొన్నా మాజీ మంత్రి ఇంద్రకరణ్‌రెడ్డి, మాజీ ఎమ్మెల్యేలు విఠల్‌రెడ్డి, రేఖానాయక్‌పై ఎలాంటి ఆరోపణలు చేయకపోవడంపై సభలో చర్చించుకున్నారు.

నీళ్లను లిఫ్ట్‌ చేసి ఉంటే..

శ్రీరాంసాగర్‌ బ్యాక్‌వాటర్‌లోకి పునరుజ్జీవ పథకం ద్వారా కాంగ్రెస్‌ ప్రభుత్వం గోదావరి నీళ్లను లిఫ్ట్‌ చేసి ఉంటే ఇవాళ జిల్లాలో నీళ్ల జాతర సాగుతుండేదని కేటీఆర్‌ పేర్కొన్నారు. మన ఎస్సారెస్పీ ఎందుకు ఎండిపోయింది? ఆంధ్రప్రదేశ్‌ ప్రాజెక్టులు ఎందుకు నిండాయి? కుప్పానికి చంద్రబాబు నీళ్లు తీసుకుపోతుంటే, గోదావరి పక్కనే ఉన్న నిర్మల్‌ జిల్లాలో ఎందుకు కరువు వచ్చింది? అని ప్రశ్నించారు. కాళేశ్వరం ప్రాజెక్టులో భాగంగా 2023లో తాను ప్రారంభించిన 27ప్యాకేజీకి ముందుకు తీసుకువెళ్లలేదని విమర్శించారు. జిల్లాలోనూ 63 వేలమంది బీడీ కార్మికులకు పెన్షన్లు అందించిన ఏకై క నాయకుడు కేసీఆర్‌ అన్నారు. 2017లో బీడీ పరిశ్రమపై ప్రధాని మోదీ ప్రభుత్వం జీఎస్టీ విధిస్తే, దాన్ని అడ్డుకున్న నాయకుడూ ఆయనేనని గుర్తుచేశారు.

బీజేపీపై విమర్శలు..

తెలంగాణలో ఓట్లు కావాలి, తెలంగాణలో సీట్లు కావాలి.. కానీ తెలంగాణకు నిధులు ఇచ్చే సోయి లేదని కేంద్ర ప్రభుత్వంపై కేటీఆర్‌ ఆగ్రహం వ్యక్తం చేశారు. ప్రధాని మోదీ మనసులో తెలంగాణకు చోటు లేదా? అని ప్రశ్నించారు. బీజేపీ నాయకులకు దమ్ముంటే ప్రధాని మోదీ ఇంటి ముందు ధర్నా చేయాలని సవాల్‌ విసిరారు. మూడేళ్లలో బీజేపీతో తెలంగాణకు ఒక్క పనైనా జరిగిందా? బీజేపీ ఎంపీని, బీజేపీ ఎమ్మెల్యేను గెలిపిస్తే నిర్మల్‌ జిల్లాకు ఏమైనా మంచి జరిగిందా? అని ప్రశ్నించారు. ఆదిలాబాద్‌లో సీసీఐ ఫ్యాక్టరీని తుక్కు కింద అమ్మేస్తుంటే ఒక్క బీజేపీ నాయకుడు కూడా మాట్లాడటం లేదు.. నిర్మల్‌ జిల్లాకు రావాల్సిన నవోదయ విద్యాలయం కూడా రాలేదన్నారు. ఓట్లు తొలగిస్తున్నారని దేశమంతా గగ్గోలు పెడుతుంటే, నిర్మల్‌లో మాత్రం ఎన్నికల సంఘానికి మద్దతుగా బీజేపీ ర్యాలీ తీయడం అనుమానాలకు తావిస్తోందన్నారు.