TV
లక్ష్మణచాంద: సరస్వతి కాలువకు ఒక తడికి నీళ్లు వదలాలని కాంగ్రెస్‌ సోన్‌ మండల నాయకులు నిర్మల్‌ నియోజకవర్గ ఇంన్‌చార్జి శ్రీహరిరావును కోరారు. ఆదివారం నిర్మల్‌లో ఆయన నివాసంలో కలిసి విన్నవించారు. రైతులు పంట నష్టపోకుండా చూడాలని కోరారు. ఈ సందర్భంగా శ్రీహరిరావు మాట్లాడుతూ ఉన్నతాధికారులతో మాట్లాడి ఈ నెల 29 లేదా 30న నీటిని విడుదలకు కృషి చేస్తానని హామీ ఇచ్చారు. వినతిపత్రం ఇచ్చినవారిలో కాంగ్రెస్‌ పార్టీ సోన్‌ మండల అధ్యక్షుడు మొయినుద్దీన్‌, నాయకులు అజహర్‌, లింగన్న, జగన్‌, అనిల్‌, అర్జం లింగన్న, వన్నెల రాజేశ్వర్‌ ఉన్నారు.
