TV
ఏటూరునాగారం: ఆదివాసీల అభ్యున్నతికి ఆదివాసీ, తుడుందెబ్బ సంఘాలు కలిసికట్టుగా పోరాడాలని తుడుందెబ్బ రాష్ట్ర అధ్యక్షుడు మైపతి అరుణ్‌కుమార్‌ అన్నారు. శుక్రవారం జిల్లాకేంద్రంలో ఉమ్మడి వరంగల్‌ జిల్లాలోని అన్ని ఆదివాసీ, తుడుందెబ్బ సంఘాల నాయకులతో సమావేశం నిర్వహించారు. ఈ సందర్భంగా డిసెంబర్‌ 9న హైదరాబాద్‌లో నిర్వహించనున్న బహిరంగ సభ పోస్టర్‌ను ఆవిష్కరించారు. అనంతరం ఆయన మాట్లాడుతూ రాష్ట్రంలోని ఐదో షెడ్యూల్‌ ప్రాంతాల్లో నివసిస్తున్న ఆదివాసీ ప్రజలకు భారత రాజ్యాంగం కల్పించిన హక్కులు సంపూర్ణంగా అమలు కావాలని డిమాండ్‌ చేశారు. ఈ కార్యక్రమంలో కల్తి ఎల్లయ్య, వట్టం సుభద్ర, లక్ష్మణ్‌రావు, పాయం కోటి, పూనెం చంటి, కొప్పుల జగన్‌, తురుసం చంటి, మట్టి కృష్ణ, పులిశె బాలకృష్ణ తదిరతులు పాల్గొన్నారు.
తుడుందెబ్బ రాష్ట్ర అధ్యక్షుడు
మైపతి అరుణ్‌కుమార్‌
