Vijayendra Prasad: కాలం మారిన ఆ వ్యవస్థ మారట్లేదు: విజయేంద్ర ప్రసాద్‌

Vijayendra Prasad Unveils Sharapanjaram First Song: గంగిరెద్దుల అబ్బాయి, జోగిని అమ్మాయి ప్రేమలో పడితే ఏం జరిగింది ? ఆ ఊరి దొర, గ్రామ ప్రజలు వారిపై ఎలాంటి చర్యలు తీసుకున్నారు ? అనే కథాంశంతో రూపొందుతోన్న చిత్రం ‘శరపంజరం’. నవీన్‌ కుమార్‌ గట్టు హీరోగా నటిస్తూ,  దర్శకత్వం వహిస్తున్నారు. లయ హీరోయిన్‌కు యాక్ట్‌ చేస్తున్నారు. నవీన్‌ కుమార్, టి. గణపతి రెడ్డి, మల్లిక్‌ ఎంవీకే నిర్మిస్తున్నారు. ఈ చిత్రంలోని తొలి పాటను ప్రముఖ రచయిత విజయేంద్ర ప్రసాద్, ఫస్ట్‌ గ్లింప్స్‌ను సంగీత దర్శకుడు ఆర్‌.పి. పట్నాయక్, 4 నిమిషాల వీడియోను మామిడాల హరికృష్ణ, దర్శకుడు వేణు ఊడుగుల రిలీజ్‌ చేశారు. 

రచయిత విజయేంద్ర ప్రసాద్‌ మాట్లాడుతూ– ‘‘కాలం మారినా కొన్ని చోట్ల జోగిని వ్యవస్థ లాంటి దూరాచారాలు కొనసాగుతున్నాయి. వాటిని రూపు మాపే క్రమంలో వస్తున్న ఈ చిత్రం విజయం సాధించాలి’’ అన్నారు. ‘‘ఈ సినిమా నా 12 ఏళ్ల కల’’ అని పేర్కొన్నారు నవీన్‌ కుమార్‌ గట్టు. ‘‘మా సినిమా గొప్ప విజయం సాధిస్తుందనే నమ్మకం ఉంది’’ అని నిర్మాతలు మల్లిక్, గణపతి రెడ్డి ఆశాభావం తెలిపారు.