మహారాజపై నమ్మకం ఉంది: విజయ్‌ సేతుపతి | Sakshi
Sakshi News home page

మహారాజపై నమ్మకం ఉంది: విజయ్‌ సేతుపతి

Published Tue, Jun 11 2024 12:07 AM

Vijay Sethupathi About Maharaja movie

‘‘మహారాజ’ నా కెరీర్‌లో 50వ సినిమా. ఈ మూవీ విజయంపై చాలా నమ్మకం ఉంది. తెలుగు ప్రేక్షకులను కూడా ఈ చిత్రం మెప్పిస్తుంది. థియేటర్స్‌కి వచ్చి చూడండి’’ అని విజయ్‌ సేతుపతి అన్నారు. నితిలన్  సామినాథన్  దర్శకత్వం వహించిన చిత్రం ‘మహారాజ’. విజయ్‌ సేతుపతి హీరోగా నటించిన ఈ చిత్రంలో మమతా మోహన్ దాస్, అనురాగ్‌ కశ్యప్, అభిరామి ఇతర లీడ్‌ రోల్స్‌లో నటించారు. సుధన్‌ సుందరం, జగదీష్‌ పళనిసామి నిర్మించిన ఈ చిత్రం ఈ నెల 14న విడుదలవుతోంది.

ఈ మూవీని ఏపీ, తెలంగాణలో ఎన్ వీఆర్‌ సినిమా విడుదల చేస్తోంది. ఈ సందర్భంగా హైదరాబాద్‌లో జరిగిన ‘మహారాజ’ ప్రీ రిలీజ్‌ ప్రెస్‌మీట్‌లో మమతా మోహన్ దాస్‌ మాట్లాడుతూ– ‘‘తమిళంలో కొంత గ్యాప్‌ తర్వాత నేను చేసిన సినిమా ‘మహారాజ’. విజయ్‌ సేతుపతిగారికి నేను పెద్ద అభిమానిని. ఆయనతో వర్క్‌ చేయడం చాలా సంతోషంగా ఉంది. ఈ మధ్యకాలంలో ఇలాంటి సినిమా రాలేదు’’ అన్నారు.

‘‘విజయ్‌గారి 50వ సినిమాతో తెలుగు ప్రేక్షకుల ముందుకు వస్తుండటం సంతోషంగా ఉంది’’ అన్నారు నితిలన్  సామినాథన్ . ‘‘మహారాజ’ లో మంచి ఫ్యామిలీ ఎమోషన్  ఉంది. విజయ్‌గారి నట విశ్వరూపం చూస్తారు’’ అన్నారు నిర్మాత ఎన్వీ ప్రసాద్‌. ఈ కార్యక్రమంలో నటి అభిరామి, డిస్ట్రిబ్యూటర్‌ శశిధర్‌ రెడ్డి మాట్లాడారు.

Advertisement
 
Advertisement

తప్పక చదవండి

 
Advertisement