TV
టాలీవుడ్లో మాస్ ఇమేజ్ కోరుకునే హీరోలెవరైనా పూరి జగన్నాథ్ దర్శకత్వంలో ఒక్క సినిమా చేసినా, తమ ముచ్చట తీరుతుందని భావిస్తారు. ఇక ఆల్రెడీ మాస్ ఇమేజ్ ఉన్నవాళ్లు పూరి సినిమాలో చేస్తే ఆ ఇమేజ్ మరింత పెరగడం ఖాయమనే విషయం కొంతమంది హీరోల విషయంలో నిజమైంది. అదే విషయాన్ని 'లైగర్' ఇప్పుడు మరోసారి నిరూపించబోతోంది. పూరి, విజయ్ దేవరకొండ కాంబినేషన్లో లైగర్ మూవీ రూపొందుతున్న సంగతి తెలిసిందే. దాదాపు రెండేళ్ల పాటు ఈ ప్రాజెక్టుపై ఉండటం వలన ఈ ఇద్దరి మధ్య మంచి బాండింగ్ ఏర్పడిందట.
పూరి టేకింగ్పై విజయ్కి అవగాహన పెరిగితే, విజయ్లో తాను చూపించవలసిన మాస్ హీరోయిజం మరింత ఉందని పూరి భావిస్తున్నాడట. అందువలన ఈ ఇద్దరూ కలిసి మరో సినిమా చేస్తే బాగుంటుందనే ఆలోచన చేస్తున్నట్టుగా ఒక టాక్ వినిపిస్తోంది. 'లైగర్'ను ఆగస్టు 25వ తేదీన విడుదల చేయనున్నారు. ఆ తరువాత శివ నిర్వాణ సినిమాను పూర్తి చేసి, మళ్లీ పూరితో కలిసి విజయ్ దేవరకొండ మరో ప్రాజెక్ట్తో సెట్స్పైకి వెళ్లే అవకాశాలు ఉన్నాయని సినీ వర్గాలు చర్చించుకుంటున్నాయి. మరి ఇందులో నిజమెంతుందో తెలియాలంటే పూరి, విజయ్లు స్పందించే వరకు వేచి చూడాలి.
