'ఇస్కితడి ఉస్కితడి' పాటలో ఉదయభాను మాస్‌ స్టెప్పులు

సత్యరాజ్, ‘సత్యం’ రాజేశ్, ఉదయభాను (Udaya Bhanu), వశిష్ఠ ఎన్‌. సింహా, సాంచీ రాయ్‌ కీలక పాత్రలు పోషించిన చిత్రం ‘త్రిబాణధారి బార్బరిక్‌’ (Tribanadhari Barbarik Movie). మోహన్‌ శ్రీవత్స దర్శకత్వంలో మారుతీ టీమ్‌ ప్రొడక్ట్‌ సమర్పణలో విజయపాల్‌ రెడ్డి అడిదల నిర్మించిన ఈ సినిమా త్వరలో విడుదల కానుంది. ఇన్‌ఫ్యూజన్‌ బ్యాండ్‌ సంగీతం అందించిన ఈ సినిమా నుంచి ‘ఇస్కితడి ఉస్కితడి... చేసేద్దాం దేత్తడి’ అంటూ సాగే పాటని రిలీజ్‌ చేశారు. రఘురామ్‌ రాసిన ఈ పాటను రాహుల్‌ సిప్లిగంజ్‌ పాడారు. 

ఈ స్పెషల్‌ సాంగ్‌లో ఉదయ భాను డ్యాన్స్‌ చేశారు. ‘‘సరికొత్త కథతో మైథలాజికల్‌ టచ్‌తో రూపొందిన చిత్రం ‘త్రిబాణధారి బార్బరిక్‌’. ‘ఇస్కితడి’ పాలో ఉదయ భాను స్టెప్పులు ప్రత్యేక ఆకర్షణ అవుతాయి’’ అని యూనిట్‌ పేర్కొంది.  రాహుల్‌ సిప్లిగంజ్‌ ఈ సాంగ్‌ పాడటంతో పాటు ఇందులో డ్యాన్స్‌ కూడా చేశాడు. ఇక ఉదయభాను కూడా ఫుల్‌ ఎనర్జీతో స్టెప్పులేసింది. చేతిలో పెద్ద కత్తి పట్టి వీరత్వం ప్రదర్శిస్తూ డ్యాన్స్‌ చేసింది.

చదవండి: రొమాన్స్‌ ఇరుక్కు, ట్విస్ట్‌ ఇరుక్కు.. ఓటీటీలో లవ్‌ స్టోరీ