Sundarangudu: రెండేళ్లు కష్టపడి ఈ సినిమా పూర్తి చేశాం

కృష్ణ సాయి, మౌర్యాని, ఈషా, రీతూ, సాక్షి హీరో హీరోయిన్లుగా దర్శకుడు వినయ్‌బాబు తెరకెక్కించిన చిత్రం ‘సుందరాంగుడు’. ఏవీ సుబ్బారావు సమర్పణలో చందర్‌ గౌడ్, యం.యస్‌.కె. రాజు నిర్మించిన ఈ సినిమా ఫిబ్రవరిలో విడుదలకు సిద్ధమవుతోంది. ఈ సందర్భంగా ‘సుందరాంగుడు’ ట్రైలర్‌ని విడుదల చేశారు.

కృష్ణ సాయి మాట్లాడుతూ– ‘‘నేను, చంద్ర గౌడ్‌గారు రెండేళ్లు కష్టపడి ఈ సినిమాను పూర్తి చేశాం. లవ్, ఫ్యామిలీ ఎంటర్‌టైనర్‌గా తెరకెక్కిన చిత్రమిది. మా ‘కృష్ణ సాయి చారిట బుల్‌ ట్రస్ట్‌’ తరఫున చాలామందికి సాయం చేస్తున్నాం. ఈ చిత్రం ద్వారా వచ్చే డబ్బుని ట్రస్ట్‌ కోసమే ఖర్చు చేయాలనుకుంటున్నాం. అయితే మా సినిమాకి థియేటర్స్‌ దొరికినా వాటి రెంట్, క్యూబ్స్‌కు డబ్బు కట్టడానికి ఇబ్బందిగా ఉంది. నాలాంటివాళ్లు చేసిన చిన్న సినిమాల విడుదలకు పరిశ్రమ పెద్దలు సపోర్ట్‌ చేయాలి’’ అన్నారు.