Pelli Sandadi: సెప్టెంబర్‌లో శ్రీకాంత్‌ తనయుడి చిత్రం రిలీజ్‌

Srikanth Son Roshan Pelli Sandadi Movie Release On September - Sakshi

Pelli Sandadi: శ్రీకాంత్‌ హీరోగా కె. రాఘవేంద్రరావు దర్శకత్వంలో వచ్చిన ‘పెళ్లి సందడి’ సినిమా ఎంత హిట్‌ అయ్యిందో ప్రత్యేకించి చెప్పక్కర్లేదు. ఇప్పుడు శ్రీకాంత్‌ తనయుడు రోషన్‌ హీరోగా ‘పెళ్లి సందడి’ పేరుతోనే ఓ చిత్రం తెరకెక్కింది. కె. రాఘవేంద్రరావు దర్శకత్వ పర్యవేక్షణలో తెరకెక్కిన ఈ చిత్రం ద్వారా ఆయన శిష్యురాలు గౌరీ రోణంకి దర్శకురాలిగా పరిచయమవుతున్నారు. శ్రీలీల హీరోయిన్‌. కె. కృష్ణమోహన్‌ రావు సమర్పణలో ఆర్కా మీడియా వర్క్స్, ఆర్‌.కె ఫిలిం అసోసియేట్స్‌పై మాధవి కోవెలమూడి, శోభు యార్లగడ్డ, ప్రసాద్‌ దేవినేని నిర్మించిన ఈ సినిమా నిర్మాణానంతర పనులు జరుపుకుంటోంది.

గౌరీ రోణంకి మాట్లాడుతూ– ‘‘పెళ్లి సందడి’ అవుట్‌పుట్‌ చాలా బాగా వచ్చింది. రోషన్, శ్రీలీల జోడీ ఫ్రెష్‌ లుక్‌ను తీసుకొచ్చింది. లవ్‌ ట్రాక్, ఎమోషన్స్, కామెడీ.. అంశాలతో సినిమా అందర్నీ మెప్పించేలా ఉంటుంది. ఈ ‘పెళ్లి సందడి’ ద్వారా కీరవాణిగారు తన సంగీతంతో శ్రోతలను మరోసారి మెస్మరైజ్‌ చేయడం ఖాయం. సెప్టెంబర్‌లో మా సినిమాని విడుదల చేస్తాం’’ అన్నారు. ఈ చిత్రానికి కెమెరా: సునీల్‌ కుమార్‌ నామా, ఎగ్జిక్యూటివ్‌ ప్రొడ్యూసర్‌: సాయిబాబా  కోవెలమూడి.  కార్తీక్, శ్రీలక్ష్మీ ఫిలింస్‌ బాపిరాజు పాల్గొన్నారు.

Read latest Movies News and Telugu News | Follow us on FaceBook, Twitter, Telegram

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి



 

Read also in:
Back to Top