మూడోసారి?

Puri Jagannadh to team up with Nagarjuna  Akkineni - Sakshi

‘శివమణి, సూపర్‌’ వంటి చిత్రాలతో తమది క్రేజీ కాంబినేషన్‌ అనిపించుకున్నారు హీరో నాగార్జున–దర్శకుడు పూరి జగన్నాథ్‌. ఈ రెండు సినిమాల్లో నాగ్‌ని కొత్తగా చూపించారు పూరి. ఇప్పటికే రెండు సార్లు కలిసి పని చేసిన వీరిద్దరూ ముచ్చటగా మూడోసారి ఓ సినిమా చేయనున్నారని సమాచారం. కరోనా లాక్‌ డౌన్‌లో బోలెడంత సమయం దొరకడంతో కొత్త సినిమాల స్క్రిప్ట్స్‌ రాసుకుంటున్నారు పూరి జగన్నాథ్‌. ఇందులో భాగంగానే నాగార్జున కోసం ఓ ఆసక్తికరమైన కథని తయారు చేశారట. పూర్తి స్క్రిప్ట్‌ని నాగ్‌కి వినిపించగా నటించేందుకు పచ్చజెండా ఊపారని తెలిసింది. ప్రస్తుతం నాగార్జున ‘వైల్డ్‌డాగ్‌’ సినిమాతో పాటు ‘బిగ్‌ బాస్‌ 4’తో బిజీ. అటు పూరి కూడా విజయ్‌ దేవరకొండతో ‘ఫైటర్‌’ సినిమా తెరకెక్కిస్తున్నారు. ‘ఫైటర్‌’ సినిమా తర్వాత నాగార్జున చిత్రాన్ని పట్టాలెక్కించనున్నారట పూరి జగన్నాథ్‌.

Read latest Movies News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top