ఓటీటీలో అత్యధికంగా వీక్షించిన వెబ్‌ సిరీస్‌, సినిమాలు ఇవే!

AI Image

కోవిడ్‌ తర్వాత ఓవర్‌ ద టాప్‌(ఓటీటీ)ల వాడకం ఎక్కువైంది. మహమ్మారి సమయంలో థియేటర్స్‌ మూత పడడంతో సినీ ప్రేక్షకులు ఓటీటీలవైపు మొగ్గుచూపారు. కొత్త సినిమాలు నేరుగా ఓటీటీలో రిలీజ్‌ కావడంతో వీక్షకుల సంఖ్య రోజు రోజుకి పెరిగిపోయింది. గతేడాది(2024) నాటికి దేశవ్యాప్తంగా ఓటీటీ వీక్షకుల సంఖ్య 55 కోట్లకు చేరిందంటేనే దీని స్పీడ్‌ ఏ రేంజ్‌లో ఉందో అర్థం చేసుకోవచ్చు. అయితే ఓటీటీలలో సినిమాల కంటే వెబ్‌ సిరీస్‌ల హవానే ఎక్కువగా కొనసాగుతుంది. 

గతేడాదిలో రిలీజైన 315 ఒరిజినల్స్‌లో 214 వెబ్‌ సిరీస్‌లే ఉన్నాయి. అత్యధిక మంది చూసిన వెబ్‌ సిరీస్‌గా మీర్జాపూర్‌ సీజన్‌ 3 నిలిచింది. ఈ హిందీ వెబ్‌ సిరీస్‌ని 3 కోట్ల మంది వీక్షించారు. ఇక తెలుగులో సేవ్‌ ద టైగర్స్‌ సీజన్‌ 2ని అత్యధికంగా(50లక్షల మంది) వీక్షించారట. 

సినిమాల విషయానికొస్తే దో పత్తీ(హిందీ)ని 1.51 కోట్ల మంది ఓటీటీలో చూశారు. ఇంటర్నేషనల్‌ షోలలో.. స్వీడ్‌ గేమ్‌ సీజన్‌ -2ని 1.96 కోట్ల మంది భారతీయులు వీక్షించారు. కంటెంట్‌ పరంగా హీందీ అగ్రస్థానంలో ఉంది. ఓటీటీలో వస్తున్న మొత్తం ఒరిజినల్స్‌లో మూడింట రెండొంతులు బాలీవుడ్‌ నుంచే ఉందట. బెంగాలీ 2వ స్థానంలో ఉండగా.. 9 శాతం వాటాలతో తెలుగు మూడో స్థానంలో ఉంది.