స్క్రీన్‌ ప్లేలో... ప్రయోగాత్మక సినిమా

దినేష్‌ తేజ్, అనన్య హీరో హీరోయిన్లుగా హరి ప్రసాద్‌ జక్కా దర్శకత్వంలో రూపొందిన సినిమా ‘ప్లే బ్యాక్‌’. ప్రసాదరావు పెద్దినేని నిర్మించిన ఈ చిత్రం నేడు విడుదల కానుంది. హరిప్రసాద్‌ మాట్లాడుతూ – ‘‘ఈ సినిమాలో 2019లో ఉన్న ఓ వ్యక్తి, 1993లో ఉన్న మరో వ్యక్తితో ఫోన్‌ లో మాట్లాడుతుంటాడు. ఇది క్రాస్‌ టైమ్‌ కనెక్షన్‌  మూవీ. ఈ కాన్సెప్ట్‌ మీద కూడా కొన్ని సినిమాలు ఉన్నప్పటికీ మా సినిమా కథ వేరు. సినిమాలోని క్యారెక్టర్స్‌కు మాత్రమే కాదు... కనిపించే సినిమా పోస్టర్, చెట్టు, ఫోను వంటి వాటికి కూడా సినిమాలో కనెక్షన్‌  ఉంటుంది. ఇందులో ఒక్క పాట కూడా లేదు. ఈ సినిమా కథ పరంగా ప్రయోగాత్మకం కాదు కానీ స్క్రీన్‌ ప్లే పరంగా మాత్రం ప్రయోగాత్మక సినిమా’’ అని అన్నారు.