నటితో 'బిగ్‌బాస్‌' ఫేం స్నేహన్‌ పెళ్లి.. ముఖ్య అతిథిగా కమల్‌హాసన్‌

చెన్నై: సినీ గీత రచయిత, నటుడు, మక్కల్‌ నీది మయ్యం పార్టీ యువజన విభాగం కార్యదర్శి స్నేహన్‌ ఓ ఇంటివాడు కాబోతున్నారు. 700 పైగా చిత్రాలకు 2,500కు పైగా పాటలను రాసిన రచయిత స్నేహన్‌. ప్రస్తుతం ఈయన మక్కల్‌ నీది మయ్యం పార్టీ యువజన విభాగ కార్యదర్శిగా బాధ్యతలు నిర్వహిస్తున్నారు.

నటి కన్నిక రవిని స్నేహన్‌ వివాహం చేసుకోబోతున్నారు. పెద్దల సమ్మతితో ఈ నెల 29న నటుడు కమలహాసన్‌ సమక్షంలో చెన్నైలో వివాహం చేసుకుంటు న్నారు.  స్నేహన్‌ మీడియాకు విడుదల చేసిన ప్రకటనలో ప్రస్తుత పరిస్థితుల్లో నిరాడంబరంగా జరుపుకోవాలని భావించినట్లు తెలిపారు.