TV
మంచి రోజులు ముందున్నాయి.. మళ్లీ సినిమా (సుకుమార్తో మరో సినిమా) చేయడం ఆనందంగా ఉంది..
సుకుమార్ దర్శకత్వంలో వచ్చిన ‘రంగస్థలం’ చిత్రంలో అనసూయ పోషించిన రంగమ్మత్త క్యారెక్టర్ ఆమె కెరీర్కు మంచి మైలేజ్ను ఇచ్చింది. ఇప్పుడు సుకుమార్ దర్శకత్వం వహిస్తున్న ‘పుష్ప’ లో అనసూయ ఓ కీలక పాత్ర చేస్తున్నారు. ‘‘మంచి రోజులు ముందున్నాయి.. మళ్లీ సినిమా (సుకుమార్తో మరో సినిమా) చేయడం ఆనందంగా ఉంది’’ అని ‘పుష్ప’ చిత్రీకరణలో పాల్గొంటున్న విషయాన్ని బుధవారం సోషల్ మీడియా ద్వారా ధ్రువీకరించారు అనసూయ.
అల్లు అర్జున్ హీరోగా నటిస్తున్న ఈ చిత్రంలో రష్మికా మందన్నా హీరోయిన్గా నటిస్తున్నారు. ఈ సినిమా ఈ ఏడాది ఆగస్టు 13న విడుదల కానుంది. ‘పుష్ప’ సినిమా కాకుండా రవితేజ ‘ఖిలాడి’, కృష్ణవంశీ డైరెక్షన్లో వస్తున్న ‘రంగమార్తాండ’ చిత్రాల్లో నటిస్తున్నారు అనసూయ. అలాగే అనసూయ లీడ్ రోల్ చేసిన ‘థ్యాంక్యూ...బ్రదర్’ సినిమా ఓటీటీ ప్లాట్ఫామ్లో స్ట్రీమింగ్ కానుంది.
చదవండి: రెండున్నరేళ్లు అవుతుంది, అవి డిలీట్ చేయండి : మౌనిక
