Samantha: సామ్ లవ్ స్టేటస్‌లు.. ఎవరి కోసం ఇవన్నీ?

Actress Samantha Ruth Prabhu Fall In Love Again - Sakshi

స్టార్ హీరోయిన్ సమంత పేరు చెప్పగానే ఫస్ట్ గుర్తొచ్చేది ఆమె విడాకులు. ఎందుకంటే లవ్ చేసి మరీ హీరో నాగచైతన్యని పెళ్లి చేసుకుంది. కానీ ఆ బంధం ఎన్నాళ్లు నిలబడలేదు. పరస్పర అంగీకారంతో విడాకులు తీసుకున్నారు. ప్రస్తుతం సింగిల్‪‌గానే ఉంటున్న సామ్.. మరోసారి ప్రేమలో పడిందా అనే డౌట్ కొడుతోంది. ఎందుకంటే పరిస్థితులు అలా కనిపిస్తున్నాయ్ మరి!

స్టార్ హీరోయిన్‌గా సమంత అద్భుతమైన ఆదరణ దక్కించుకుంది. దక్షిణాదిలో చాలామంది స్టార్ హీరోలతో కలిసి సినిమాలు చేసింది. అయితే ఈ మధ్య సమంత పెద్దగా కలిసి రాలేదు. గతేడాది చివర్లో వచ్చిన యశోద, ఈ ఏప్రిల్‌లో రిలీజైన 'శాకుంతలం'.. రెండు నిరాశపరిచాయి. ఇక సామ్ నటించిన 'ఖుషి', 'సిటాడెల్' వెబ్ సిరీస్ ఈ ఏడాదిలో రిలీజ్ కాబోతున్నాయి.

(ఇదీ చదవండి: ధోనీ తొలి సినిమా టాక్ ఏంటి? హిట్టా ఫట్టా?)

మయోసైటిస్ అనే అరుదైన వ్యాధితో బాధపడుతున్న సామ్.. దానికి చికిత్స తీసుకునేందుకు ప్రస్తుతం సినిమాలకు బ్రేక్ ఇచ్చింది. ఓ ఏడాది పాటు షూటింగ్స్, సినిమాలకు దూరం అనమాట. ఈ విషయం పక్కనబెడితే ఈ మధ్య ప్రేమ గురించి ఇన్ స్టా స్టోరీలు తెగ పోస్ట్ చేస్తోంది. ఇప్పుడు కూడా.. 'ఎక్కువ ద్వేషించే మనుషులు, మాటలు చూసి ఉంటావేమో కానీ ఈ ప్రపంచంలో మనం ఊహించిన దానికంటే ఎక్కువ ప్రేమ ఉంటుంది' అని ఓ కొటేషన్ పిక్ షేర్ చేసింది.

గతంలో ఇలాంటి ప్రేమకు సంబంధించిన స్టేటస్‪‌లని అప్పుడప్పుడు సామ్ పోస్ట్ చేస్తూనే ఉంది. అయితే ఇదేదో ఒకటో రెండుసార్లు అంటే అనుకోవచ్చు. అప్పుడప్పుడు ఇలాంటి పిక్స్ చూస్తున్న సామ్ ఫ్యాన్స్‌కి.. ఈమె మరోసారి ప్రేమలో పడిందా అనే అనుమానాలు వస్తున్నాయి. ఒకవేళ పడితే ఆ అజ్ఞాత వ్యక్తి ఎవరు అయ్యుంటారా అని కామెంట్స్ చేస్తున్నారు. దీని గురించి సామ్ క్లారిటీ ఇస్తే తప్ప అసలు విషయం బయటపడదు.

(ఇదీ చదవండి: 'కల్కి' టీమ్ ముందు జాగ్రత్త.. దానికి భయపడి!)

Read latest Movies News and Telugu News | Follow us on FaceBook, Twitter, Telegram



 

Read also in:
Back to Top