ముంచెత్తిన వాన

Aug 19 2025 8:11 AM | Updated on Aug 19 2025 8:11 AM

ముంచెత్తిన వాన

● పొంగిపొర్లుతున్న హల్దీ, మంజీరా ● పలు మండలాల్లో కొట్టుకుపోయిన రోడ్లు ● పలు గ్రామాలకు నిలిచిన రాకపోకలు ● నీట మునిగిన వివిధ పంటలు ● అప్రమత్తంగా ఉండాలని కలెక్టర్‌ సూచన ● వెల్దుర్తి మండలం ఉప్పులింగాపూర్‌– వెల్దుర్తి మధ్య గల హల్దీ వాగుపై నిర్మించిన బ్రిడ్జిపై నీరు పొంగిపొర్లటంతో రాకపోకలు నిలిచిపోయాయి. ● శివ్వంపేట ఉసిరికపల్లి, పాంబండ గ్రామాల మధ్య రోడ్డు కొట్టుకుపోయింది. ఫలితంగా రాకపోకలకు అంతరాయం ఏర్పడింది. ● తూప్రాన్‌ మండలం ఇస్లాంపూర్‌లోని లోతట్టు ప్రాంతంలో పలువురి ఇళ్లలోకి వర్షం నీరు చేరింది. వారు పంచాయతీ కార్యాలయంలో తలదాచుకున్నారు. ● నర్సాపూర్‌ మండలం ఖాజీపేటలోని మోతుకుంటకు గండి పడింది. ఇరిగేషన్‌ అధికారులు దానిని పూడ్చే ప్రయత్నం చేసినా ఫలితం లేకుండా పోయింది. ● అల్లాదుర్గం మండలంలో ఊర చెరువు పొంగిపొర్లటంతో రోడ్డుపై నీరు భారీగా ప్రవహించింది. వరదలో బైక్‌ కొట్టుకుపోయింది. విద్యుత్‌ స్తంభాలు నేలకూలాయి. ● కొల్చారం మండలంలోని అనేక గ్రామాలకు రాకపోకలకు నిలిచిపోయాయి. పంటపొలాలు మునిగిపోగా, ఎనగండ్లకు చెందిన ఓ వ్యక్తి చేపల వేటకు వెళ్లి గల్లంతయ్యాడు. ● మనోహరాబాద్‌ మండలంలోని తుపాకులపల్లి, గంగాయిపల్లికి వెళ్లే రోడ్డు కోతకు గురైంది. దీంతో రాకపోకలు నిలిచిపోయాయి. ● చిలప్‌చెడ్‌ మండలం బద్రితండా శివారులోని పోతాన్‌కుంట కట్ట తెగిపోయి నీరు వృథాగా పోతుంది. ● హవేళిఘణాపూర్‌ మండలం దూప్‌సింగ్‌ తండా వద్ద గల గంగమ్మ వాగు పొంగడంతో రాకపోకలు నిలిచిపోయాయి. ● టేక్మాల్‌ మండలంలోని గుండు వాగు ఉధృతంగా ప్రవహిస్తోంది. పలువుకి ఇళ్లలోకి వర్షం నీరు చేరింది. పంటలకు తీవ్ర నష్టం వాటిళ్లింది.

మత్తడి దుంకుతున్న చెరువులు, కుంటలు
● పొంగిపొర్లుతున్న హల్దీ, మంజీరా ● పలు మండలాల్లో కొట్టుకుపోయిన రోడ్లు ● పలు గ్రామాలకు నిలిచిన రాకపోకలు ● నీట మునిగిన వివిధ పంటలు ● అప్రమత్తంగా ఉండాలని కలెక్టర్‌ సూచన

మెదక్‌జోన్‌: జిల్లావ్యాప్తంగా విస్తారంగా వర్షాలు కురుస్తున్నాయి. ఆదివారం సాయంత్రం నుంచి సోమవారం ఉదయం వరకు ఏకధాటిగా పన్నెండు గంటల పాటు భారీ వర్షం కురిసింది. పలు చోట్ల కుంటలకు గండ్లు పడగా, రోడ్లపై నీరు ప్రవహిస్తుండటంతో రాకపోకలు నిలిచిపోయాయి. మెదక్‌– కామారెడ్డి సరిహద్దులో గల పోచారం ప్రాజెక్టు పొంగిపొర్లుతోంది. అటువైపు పర్యాటకులు వెళ్లకుండా పోలీసులు చర్యలు చేపట్టారు. సింగూరు నుంచి దిగువకు నీరు వదటం, దానికి భారీ వర్షాలు తోడు కావడంతో మంజీరా పరవళ్లు తొక్కుతోంది. పది మండలాల్లో అతి భారీ వర్షం నమోదు కాగా, ఏడు మండలాల్లో మోస్తరుగా నమోదు అయిందని వాతావరణశాఖ అధికారులు పేర్కొన్నారు.

అత్యవసరమైతేనే బయటకు రండి

టేక్మాల్‌(మెదక్‌)/వెల్దుర్తి(తూప్రాన్‌)/తూప్రాన్‌: గడిచిన 72 గంటల్లో జిల్లాలో భారీ వర్షం కురవడంతో సుమారు పది చోట్ల వంతెనలపై నుంచి వరద ప్రహిస్తుంది, అత్యవసరం అయితేనే ఇళ్ల నుంచి బయటకు వెళ్లాలని ప్రజలకు కలెక్టర్‌ రాహుల్‌రాజ్‌ సూచించారు. సోమవారం జిల్లాలో విస్తృతంగా పర్యటించారు. ఉప్పులింగాపూర్‌ బ్రి డ్జిని సందర్శించి అధికారులకు పలు సూచనలు చేశారు. సింగూరు, మంజీరా, హల్దీవాగు పరివాహాక ప్రాంతాల ప్రజలు అప్రమత్తంగా ఉండాల్సిన అవసరం ఉందన్నారు. లో లైన్‌ రోడ్స్‌, కా జ్‌వేలు, కల్వర్టులు, బ్రిడ్జిలు ఓవర్‌ ఫ్లో అవుతున్నందున, ఆయా చోట్ల ప్రమాదాలు సంభవించకుండా ముందస్తు చర్యలు చేపట్టామని తెలిపారు. రానున్న 48 గంటల పాటు జిల్లాకు ఆరెంజ్‌ అలర్ట్‌ ఉన్నందున ప్రతి ఒక్కరూ తగు జాగ్రత్తలు తీసుకోవాలన్నారు. అత్యవసర సమయంలో కలెక్టరేట్‌, పోలీస్‌ కంట్రోల్‌ రూమ్‌లకు సమాచారం ఇవ్వాలన్నారు. జిల్లాలో సుమారు 2,600 చెరువులు ఉండగా, అందులో 90 శాతం చెరువులు నిండిపోయాయన్నారు. వరద ప్రవహించే ప్రాంతాల్లో సెల్ఫీలు, చేపలు పట్టడానికి దూరంగా ఉండాలన్నారు. ఆయన వెంట వివిధశాఖల అధి కారులు ఉన్నారు.

మంజీరా.. మహోగ్రం

పాపన్నపేట(మెదక్‌): మంజీరా మహోగ్ర రూ పం దాల్చింది. సోమవారం ఘనపురం ఆనకట్టపై నుంచి 69,700 క్యూసెక్కుల ప్రవాహం కొనసాగుతోంది. కలెక్టర్‌ రాహుల్‌రాజ్‌ ఎల్లాపూర్‌ వద్ద మంజీరా ప్రవాహాన్ని పరిశీలించారు. ఐదు రోజులుగా దుర్గమ్మ ఆలయం జల దిగ్బంధంలోనే ఉంది. రాజగోపురంలో ఉత్సవ విగ్రహానికి భక్తులు పూజలు నిర్వహిస్తున్నారు.

ఆరాతీసిన మంత్రి దామోదర

బొడ్మట్‌పల్లిలో వరద నీటికి ఇళ్లలో చేరిన విషయాన్ని తెలుసుకున్న మంత్రి దామోదర రాజనర్సింహ డీపీఓ యాదయ్యతో ఫోన్‌లో మాట్లాడి వివరాలు అడిగి తెలుసుకున్నారు. వరదనీరు రాకుండా ఉండేందుకు జాగ్రత్తలు తీసుకోవాలని, అన్నిశాఖల అధికారులు సమన్వయంతో పని చేసి ప్రజలకు ఇబ్బందులు తలెత్తకుండా చూడాలని ఆదేశించారు.