రైలొస్తేనే.. మేం వస్తాం

ఉద్యోగులు తమ కార్యాలయంలో ఏదైనా ప్రత్యేక సమావేశం లేదా.. కార్యక్రమం ఉన్నప్పుడు నిర్ణీత సమయంకంటే ముందు లేదా.. రెగ్యులర్‌ టైమ్‌కు ఆఫీస్‌కు రావాల్సిందే.. కానీ, మానుకోట కలెక్టరేట్‌ ఉద్యోగులు మాత్రం రైలు ఎప్పుడొస్తే.. ఆఫీస్‌కు అప్పుడే వస్తామంటున్నారు.. గురువారం ఉదయం 9:45 గంటలకు కలెక్టరేట్‌లో ప్రభుత్వ విప్‌ జాటోత్‌ రామచంద్రు నాయక్‌ ముఖ్య అతిథిగా ప్రజా పాలన దినోత్సవం ముగిసిన అరగంట తర్వాత సుమారు 11:15 గంటలకు కలెక్టరేట్‌ ఉద్యోగులు కార్యాలయానికి రావడం గమనార్హం. అదేంటని అడిగితే ‘మేము వరంగల్‌ నుంచి వస్తున్నాం.. కృష్ణ ఎక్స్‌ ప్రెస్‌ ఇప్పుడే వచ్చింది’అని సమాధానమిచ్చారు.

– సాక్షి, స్టాఫ్‌ ఫొటోగ్రాఫర్‌