పరిషత్‌ ఎన్నికల షెడ్యూల్‌లో మార్పు

వివరాలు వెల్లడించిన

కలెక్టర్‌ డీకే బాలాజీ

చిలకలపూడి(మచిలీపట్నం): రాష్ట్ర ఎన్నికల సంఘం ఆదేశాల మేరకు జిల్లాలో ఎంపీటీసీ, జెడ్పీటీసీ ఎన్నికల షెడ్యూల్‌ను సవరించినట్లు కలెక్టర్‌, జిల్లా ఎన్నికల అధికారి డీకే బాలాజీ బుధవారం ఓ ప్రకటనలో తెలిపారు. మొదటిగా ప్రకటించిన షెడ్యూలు ప్రకారం నవంబర్‌ 3న ఎంపీటీసీ, జెడ్పీటీసీ ఎన్నికల పోలింగ్‌ నిర్వహించాల్సి ఉంది. మునిసిపల్‌ ఎన్నికల ఓట్ల లెక్కింపు కూడా అదే తేదీన జరగనున్న నేపథ్యంలో సిబ్బంది వనరులను సమర్థంగా వినియోగించుకునేందుకు రాష్ట్ర ఎన్నికల సంఘం షెడ్యూల్‌లో మార్పులు చేసినట్లు కలెక్టర్‌ వివరించారు. 5వ తేదీ ఉదయం 7 నుంచి సాయంత్రం 5 గంటల వరకు పోలింగ్‌ నిర్వహిస్తారన్నారు. 6వ తేదీ రీ–పోలింగ్‌ అవసరమైతే ఉదయం 7 నుంచి సాయంత్రం 5 గంటల వరకు నిర్వహిస్తారన్నారు. 7వ తేదీ ఓట్ల లెక్కింపు ఉదయం 8 గంటల నుంచి ప్రారంభమవుతుందని ఆయన తెలిపారు. ఎన్నికల షెడ్యూల్‌లో మార్పులను అభ్యర్థులు, రాజకీయ పార్టీల ప్రతినిధులు, ఓటర్లు గమనించాలని కలెక్టర్‌ కోరారు.

ఇంద్రకీలాద్రి(విజయవాడపశ్చిమ): గత రెండు రోజులుగా కురుస్తున్న వర్షాల నేపథ్యంలో దుర్గగుడి ఘాట్‌రోడ్డును ఆలయ ఈవో శీనానాయక్‌, ఇంజినీరింగ్‌ అధికారులు బుధవారం పరిశీలించారు. తొలుత ఆలయ ప్రాంగణంలోని లక్ష్మీగణపతి ప్రాంగణం, డోనర్‌సెల్‌, ఓం టర్నింగ్‌ కొండ మలుపు ప్రాంతాలను పరిశీలించారు. అనంతరం ఘాట్‌రోడ్డులో దసరా ఉత్సవాలకు ముందు కొండ చరియలు విరిగిపడిన ప్రాంతాన్ని పరిశీలించారు. అక్కడ కొంత మట్టి, కొండ చరియలు విరిగిపడటాన్ని గుర్తించారు. వర్షం తగ్గుముఖం పట్టిన వెంటనే కొండ చరియలను తొలగించాలని ఆదేశించారు. అనంతరం ఘాట్‌రోడ్డు ప్రారంభంలోని కామథేను అమ్మవారి ఆలయాన్ని, గణపతి ఆలయాన్ని సందర్శించారు. వర్షం కురిసిన ప్రతి సారి ఆలయంపై నుంచి నీరు జాలు వారడంతో ఇబ్బందికరంగా ఉందని ఆలయ అర్చకులు ఈవో శీనానాయక్‌ దృష్టికి తీసుకువచ్చారు. సమస్యకు గల కారణాలను పరిశీలించి వెంటనే మరమ్మతులు చేపట్టాలని ఈవో శీనానాయక్‌, ఈఈ ఎల్‌.రమాను ఆదేశించారు. ఈవో వెంట డీఈ అశోక్‌కుమార్‌, ఏఈ సాయి ఉన్నారు.

ఏఎన్‌యూ(పెదకాకాని): ఏఎన్‌యూలోని నృత్య విభాగం ఆధ్వర్యంలో నిర్వహించిన శ్రుతి మాతా, లయ, పిత – సంగీతం, లయ, నృత్యాల సమగ్ర అధ్యయనంపై ఒకరోజు అకడమిక్‌ వర్క్‌షాప్‌ ముగిసింది. ఆచార్య నాగా ర్జున విశ్వవిద్యాలయంలో బుధవారం నిర్వ హించిన ఈ కార్యక్రమం ద్వారా సంగీతం, లయ, నృత్యాల మధ్య ఉన్న అంతర్లీన సంబంధాలను వివరించారు. ఈ కార్యక్రమానికి వర్సిటీ ఇన్‌చార్జి వీపీ ఆచార్య కె.గంగాధరరావు ముఖ్య అతిథిగా హాజరయ్యారు. రెక్టార్‌ ఆర్‌.శివరామ్‌ ప్రసాద్‌ ప్రోత్సాహాన్ని అందించారు. వర్క్‌షాప్‌నకు వనరుల వ్యక్తులుగా మధురైలోని శ్రీసద్గురు సంగీత విద్యాలయం వీణ విభాగం అసిస్టెంట్‌ ప్రొఫెసర్‌ డాక్టర్‌ టి.శంకరనారాయణన్‌, అదే సంస్థ గాత్ర విభాగం అసిస్టెంట్‌ ప్రొఫెసర్‌ డాక్టర్‌ పి.కమల కన్నన్‌ హాజరయ్యారు. వీరు శ్రుతి, స్వర, తాళ, లయ అంశాల ప్రాధాన్యతను వివరిస్తూ, శాసీ్త్రయ సంగీతం, భరతనాట్యం వంటి ప్రదర్శన కళల్లో సంగీత పరిజ్ఞానం, లయబద్ధత, భావవ్యక్తీకరణల ప్రాముఖ్యతను తమ అనుభవాల ద్వారా వివరించారు. వర్క్‌షాప్‌ డైరెక్టర్‌, నృత్య విభాగాధిపతి, బోర్డ్‌ ఆఫ్‌ స్టడీస్‌ చైర్‌పర్సన్‌ ప్రొఫెసర్‌ పి.వరప్రసాదమూర్తి కార్యక్రమానికి అధ్యక్షత వహించారు. ప్రోగ్రాం కన్వీనర్‌ ఎంవీ విశ్వనాఽథ్‌, కో–కన్వీనర్‌ ఎం.కాశయ్య కార్యక్రమ నిర్వహణలో కీలక పాత్ర పోషించారు. ఈ వర్క్‌షాప్‌లో విద్యార్థులు, అధ్యాపకులు, పరిశోధక విద్యార్థులు పాల్గొన్నారు.