ఏ సమస్యనైనా తల్లిదండ్రులతో చర్చించాలి

Oct 28 2026 12:18 AM | Updated on Oct 28 2026 12:18 AM

● సీనియర్‌ సివిల్‌ జడ్జి నాగేశ్వర్‌రావు జగిత్యాలక్రైం: కేంద్రప్రభుత్వం అమలు చేస్తున్న పీఎం రహత్‌ పథకాన్ని ప్రజలు సద్వినియోగం చేసుకోవాలని ఎస్పీ అశోక్‌కుమార్‌ సూచించారు. జిల్లాలోని 30 ఆస్పత్రుల్లో ఈ పథకం అమలవుతోందని, రూ.1.5 లక్షల వరకు ఏడురోజులపాటు నగదు రహిత చికిత్స పొందవచ్చని తెలిపారు. ప్రమాద బాధితులకు సకాలంలో చికిత్స అందించడం ద్వారా ప్రాణాపాయం నుంచి తప్పించవచ్చన్నారు. అత్యవసర పరిస్థితుల్లో 112కు కాల్‌ చేసి పోలీసుల సహాయం పొందాలన్నారు. ద్విచక్ర వాహనదారులు హెల్మెట్‌ ధరించాలని, కార్లలో సీటు బెల్ట్‌ పెట్టుకోవాలని పేర్కొన్నారు. అతివేగం, మద్యం సేవించి వాహనాలు నడపడం ప్రమాదకరణమన్నారు.

● సీనియర్‌ సివిల్‌ జడ్జి నాగేశ్వర్‌రావు

జగిత్యాలజోన్‌: పాఠశాలలు, స్నేహితులు, బంధువులు, తెలిసినవారితో ఏ సమస్య ఎదురైనా తల్లిదండ్రులతో చర్చించాలని జిల్లా సీనియర్‌ సివిల్‌ జడ్జి నాగేశ్వర్‌రావు అన్నారు. జిల్లాకేంద్రంలోని గర్ల్స్‌ హైస్కూల్‌లో పోక్సో చట్టంపై అవగాహన కల్పించారు. బాలికలపై లైంగికదాడులకు పాల్పడితే శిక్షలు కఠినంగా ఉంటాయన్నారు. రెండో అదనపు జ్యుడిషియల్‌ మేజిస్ట్రేట్‌ నిఖిషా మాట్లాడుతూ.. గుడ్‌టచ్‌, బ్యాడ్‌ టచ్‌, వ్యక్తిగత భద్రత, అనుచిత ప్రవర్తనను తల్లిదండ్రులు, ఉపాధ్యాయులకు భయం లేకుండా చెప్పాలని సూచించారు. అనంతరం విద్యార్థులతో ప్రతిజ్ఞ చేయించారు. హెచ్‌ఎం, ఉపాధ్యాయులు పాల్గొన్నారు.

సైబర్‌ నేరాలపై అప్రమత్తంగా ఉండాలి

జగిత్యాలరూరల్‌: సైబర్‌ నేరాలపై ప్రతిఒక్కరూ అప్రమత్తంగా ఉండాలని నాబార్డ్‌ జిల్లా అభివృద్ధి అధికారి దిలీప్‌చంద్ర అన్నారు. సారంగాపూర్‌ మండలకేంద్రంలో సైబర్‌ నేరాల అప్రమత్తత, అక్షరాస్యతపై మంగళవారం అవగాహన కల్పించారు. ఎవరైనా అపరిచితులు కాల్‌ చేస్తే ఓటీపీ చెప్పొద్దన్నారు. కార్యక్రమంలో సారంగాపూర్‌ తెలంగాణ గ్రామీణ బ్యాంక్‌ మేనేజర్‌ వెంకట్‌రెడ్డి, సీనియర్‌ బిజినెస్‌ మేనేజర్‌ లక్ష్మీనారాయణరెడ్డి, ఫైనాన్షియల్‌ మేనేజర్‌ ప్రవీణ్‌, సర్పంచ్‌ చేకుట అరుణ పాల్గొన్నారు.

‘పీఎం రహత్‌’ వినియోగించుకోవాలి